މޯލްޑިވްސް ފައިނޭންސް ފޯރަމް މާދަމާ

މޯލްޑިވްސް ފައިނޭންސް ފޯރަމް މާދަމާ ފަށާނެ އެވެ. 

ކޮންމެ އަހަރަކު ޕެންޝަން އޮފީހުން އިންތިޒާމު ކުރާ ފައިނޭންސް ފޯރަމް އޮންނާނީ ކުރުނބާ މޯލްޑިވްސް ރިސޯޓްގަ އެވެ.

މާދަމާ ފަށާ ފޯރަމްގައި ރާއްޖެ އާއި ބޭރުގެ މާލީ ތަޖުރިބާކާރު ބައިވެރިވެ ފައިނޭންސްގެ މުސްތަގުބަލުގައި ފިންޓެކް އާއި އޭއައިގެ ދައުރާއި ރާއްޖޭގެ ފައިނޭންސް ދާއިރާގައި އެ ޓެކްނޮލޮޖީތަކުގެ ދައުރަށް ވާހަކަ ދައްކަވައި ހިޔާލުތައް ބަދަލު ކުރާނެ އެވެ. ސްޕީކަރުންގެ ތެރޭ ވޯލްޑް ބޭންކްގެ ލީޑް އިކޮނިމިސްޓް، ރޮބަޓް ޕެލާޝިއަސް ހިމެނިވަޑައިގަންނަވަ އެވެ.

މި ފައިނޭންސް ފޯރަމްގެ ޝިއާރަކީ "ދަ ފިއުޗާ އޮފް ފައިނޭންސް: އެކްސްޕްލޯރިން ދަ އިންޓަސެކްޝަން އޮފް ފިންޓެކް އެންޑް އޭއައި" އެވެ.

މޯލްޑިވްސް ފައިނޭންސް ފޯރަމް ބާއްވަން ފެށީ 2012 އިގަ އެވެ. ކޮވިޑާއެެކު 2020 އާއި 2021 ގައި ފައިނޭންސް ފޯރަމް ނުބާއްވަ އެވެ.