މާރަންދޫ ކައުންސިލްގެ ނާއިބު ރައީސް ކުއްލި ގޮތަކަށް ނިޔާވެއްޖެ
ރަމީޒު ނިޔާވީ މިއަދު ހަވީރު މާރަންދޫ ގައި ފުޓްބޯޅަ ކުޅެން ހުއްޓާ އުނދަގޫތަކެއް ވާތީ ފަރުވާއަށް އެ އަތޮޅު ވެރިރަށް -- ދިއްދޫއަށް ގެންގޮސް ފަރުވާ ދެނިކޮށެވެ.
ތިލަދުންމަތީ އުތުރުބުރީ މާރަންދޫ ކައުންސިލްގެ ނާއިބު ރައީސް އަހްމަދު ރަމީޒު ކުއްލި ގޮތަކަށް ނިޔާވެއްޖެ އެވެ.
ރަމީޒު ނިޔާވީ މިއަދު ހަވީރު މާރަންދޫ ގައި ފުޓްބޯޅަ ކުޅެން ހުއްޓާ އުނދަގޫތަކެއް ވާތީ ފަރުވާއަށް އެ އަތޮޅު ވެރިރަށް -- ދިއްދޫއަށް ގެންގޮސް ފަރުވާ ދެނިކޮށެވެ.
މާރަންދޫން ވާހަކަ ދެއްކި މީހަކު ބުނީ ރަމީޒުގެ ސިއްހީ ބޮޑު މައްސަލައެއް ނެތް ކަމަށެވެ. އަދި މިއަދު ވެސް އެ އަތޮޅު އުލިގަމަށް ދަތުރުކުރި ކަމަށާ ނިޔާވީ ހަވީރު ފުޓްބޯޅަ ކުޅެން ހުއްޓާ ހޮޑުލާ އުނދަގޫތަކެއް ވާހެން ހީވާތީ ފަރުވާއަށް ދިއްދޫއަށް ގެންގޮސް ފަރުވާ ދެނިކޮށް މިރޭގެ ވަގުތެއްގައި ކަމަށެވެ.
މީހުންނާ ވަރަށް ގުޅޭ އެކުވެރި މިޖާޒެއްގެ ރަމީޒަކީ އަތޮޅުގެ ގިނަ ބަޔަކާ ވެސް ގުޅުން އޮންނަ މީހެކެވެ. މާރަންދޫގެ އިޖްތިމާއީ / ތަރައްގީ ކަންކަމުގައި ވަރަށް އިސްނަގާ ހަރަކާތްތެރިވި މީހެކެވެ.
އޭނާ ނިސްބަތް ވަނީ އިދިކޮޅު އެމްޑީޕީ އަށެވެ. އެމްޑީޕީން ވަނީ ރަމީޒު ނިޔާވުމުން ތައުޒިޔާ ފޮނުވާފަ އެވެ.
ކޮމެންޓް
Republic of Maldives