އީޓިން އެމީބާ އިންފެކްޝަން ގައި ހުން އައުމާއެކު ގަދައަށް ބޮލުގައި ރިއްސާނެ އެވެ. އެކަމުގެ ސަބަބުން ހާލު ވަރަށް ގޯސްވެ ވާނުވާ ނޭންގޭ ހާލަތަށް ދެ އެވެ.
އަވައްޓެރި އިންޑިއާގެ ކެރެލާ ސްޓޭޓް ގައި ނުރައްކާތެރި ބައްޔެއް ފެތުރޭތީ ދިވެހިން ސަމާލުވާން އަންގައިފި އެވެ.
އިންޑިއާ ސަރުކާރުން ވަނީ ކެެރެލާގައި ބްރެއިން އީޓިން އެމީބާ އިންފެކްޝަން ފެތުރޭކަން ހާމަކޮށް ރައްކާތެރިކަމުގެ ފިޔަވަޅު އެޅުމަށާ ލަސްނުކޮށް ސިއްހީ ފަރުވާ ހޯދުމަށް އަންގާފަ އެވެ.
އެކަމާ ގުޅިގެން ރާއްޖޭގެ ކޮންސިއުލޭޓް ޖެނަރަލުން ވަނީ ކެރެލާގައި ތިބި ދިވެހީން ސަމާލުވުމަށް އަންގާފަ އެވެ. އަދި ބަލީގެ އެއްވެސް އަލާމާތެއް ފެނިއްޖެނަމަ ލަސްނުކޮށް ސިއްހީ ފަރުވާ ހޯދުމަށް އެދިފައިވެ އެވެ.
އީޓިން އެމީބާ އިންފެކްޝަން ގައި ހުން އައުމާއެކު ގަދައަށް ބޮލުގައި ރިއްސާނެ އެވެ. އެކަމުގެ ސަބަބުން ހާލު ވަރަށް ގޯސްވެ ވާނުވާ ނޭންގޭ ހާލަތަށް ދެ އެވެ. އަދި އެ ނޫން ވެސް ސިއްހީ ގިނަ މައްސަލަތައް ދިމާވެ އެވެ. އެގޮތުން ކަނދުރާއަށް ނާރު އެރުމާ ފިޓް ޖެހުން ފަދަ ކަންކަން ވެެސް ކުރިމަތިވެ އެވެ.
ފަރުވާ ލަސްވެއްޖެނަމަ މިއީ ފުރާނައަށް ވަރަށް ނުރައްކާ ކުރާ ބައްޔެކެވެ.
މިއީ ނޭފަތުން ނުވަތަ ކަންފަތުން ޖަރާސީމު ވަދެގެން ޖެހޭ ބައްޔެއް ކަމުން ކޯރުތަކާއި ޕޫލުތަކަަށް މި ދުވަސްވަރު ނޭރުމަށް ވެސް ވަނީ އިލްތިމާސް ކޮށްފަ އެވެ.
ކެރަލާ އަކީ ބޭސްފަރުވާއާ އެ ނޫން ބައެއް ބޭނުންތަކަށް ދިވެހީން ދަތުރުކޮށް އުޅޭ ސްޓޭޓެކެވެ.