އާރްއޭސީއެލްގެ ލޯގޯ ޑިޒައިންކޮށްގެން 25،000 ރުފިޔާ
ޝައުގުވެރިވާ ފަރާތްރަކަށް ލޯގޯ ހުށަހެޅުމުގެ ފުރުސަތު މި ޖުލައި މަހުގެ ނުވަ ވަނަ ދުވަހާ ހަމައަށް ހުޅުވާލާފައި ވެއެވެ.
ރީޖަނަލް އެއާޕޯޓްސް ކޮމްޕެނީ ލިމިޓެޑް (އާރްއޭސީއެލް) އަށް އާ ލޯގޯއެއް ފަރުމާ ކުރަން ހުޅުވާލައިފި އެވެ.
އާރްއޭސީއެލުން ހުޅުވާލާފައި ވަނީ އެންމެ ރަނގަޅު ލޯގޯއަކަށް 25،000ރ. ގެ އިނާމެއް ދޭ ގޮތަށެވެ. އެ ކުންފުނީގެ ލޯގޯ ފަރުމާކޮށް ދޭން ޝައުގުވެރިވާ ފަރާތްރަކަށް ލޯގޯ ހުށަހެޅުމުގެ ފުރުސަތު މި ޖުލައި މަހުގެ ނުވަ ވަނަ ދުވަހާ ހަމައަށް ހުޅުވާލާފައި ވެއެވެ.
އެ ކުންފުނިން ބުނެފައިވާ ގޮތުގައި ލޯގޯ ފަރުމާކުރާ އިރު، ގަދަ ޓާކޮއިޒް ކުލަ ބޭނުން ކުރަން ޖެހޭނެ އެވެ. އަދި ދެވަނަ ކުލައެއްގެ ގޮތުން އޭގެ މަޑު ކުލައެއް ނުވަތަ ޝޭޑެއް ބޭނުން ކުރެވިދާނެ އެވެ. މީގެ އިތުރުން އެ ލޯގޯއިން އެއާލައިނެއް ރަމްޒު ކޮށްދީގެނެއް ނުވާނެ އެވެ. އެއާ ހިލާފަށް ލޯގޯ އިން ރަމްޒުކޮށް ދޭން ޖެހޭނީ އެއާޕޯޓެކެވެ.
ކޮމެންޓް
Republic of Maldives