މާލޭގައި އަލިފާނުގެ ހާދިސާއެއް ހިނގައިގެން ހަތަރު މީހަކަށް ފަރުވާދެނީ

މާލޭގެ ގެއެއްގައި އަލިފާނުގެ ހާދިސާއެއް ހިނގައި، ހަތަރު މީހަކަށް އައިޖީއެމް ހޮސްޕިޓަލުގައި ފަރުވާދޭން ފަށައިފި އެވެ. 

އެމްއެންޑީއެފުން ބުނީ މިއަދު އަލިފާނުގެ ހާދިސާއެއް ހިނގީ މ.އެންޒިއަންގޭގެ ތިންވަނަ ފަންގިފިލާގައި ކަމަށެވެ. ހާދިސާގައި ދުމުގެ އަސަރުކޮށްގެން ހަތަރު މީހަކަށް އައިޖީއެމްއެޗް ހޮސްޕިޓަލުގައި އަންނަނީ ފަރުވާ ދެމުންނެވެ. 

މިހާރު ރޯވި އަލިފާން ނިއްވާލެވިފައިވާކަމަށް އެމްއެންޑީއެފުން ބުނެ އެވެ. އެ ސަރަހައްދުގައި އަދިވެސް އެމްއެންޑީއެފްގެ ފަޔާ އެންޑް ރެސްކިއު ސާވިސަސް އިން އެބަ ހަރަކާތްތެރިވެ އެވެ. 

މި ހާދިސާ ހިނގަން މެދުވެރިވި ސަބަބެއް އަދި އެމްއެންޑީއެފުން ހާމައެއް ނުކުރެ އެވެ.