މި ދަތުރުފުޅަށް ދައުވަތު ލިބުނީ ވަގުތު ކުޑަތަންވެފައި ވަނިކޮށް ކަމުން ދިވެހި ސަރުކާރުގެ ވަފުދު އިންޑިއާއަށް ދަތުރުކުރައްވާފައި ވަނީ ދުބާއީ އަދި ސްރީލަންކާ މަގުންނެވެ.
އިންޑިއާގެ ބޮޑުވަޒީރު ނެރެންދުރަ މޯދީ، ބޮޑުވަޒީރު ކަމުގެ އާ ދައުރަށް ހުވާ ކުރެއްވުމަށް އޮތް ރަސްމިއްޔާތުގައި ބައިވެރިވެވަޑައިގަތުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ކުރެއްވި ދަތުރުފުޅަށް 1.4 މިލިއަން ރުފިޔާ ހަރަދު ވެފައިވާ ކަމަށް ރައީސުލްޖުމްހޫރިއްޔާގެ އޮފީހުން ބުނެފި އެވެ.
ރައީސް އޮފީހުން މިއަދު ވަނީ ރައީސްގެ އިންޑިއާ ދަތުރުފުޅުގެ ހަރަދު ތަފްސީލު ހާމަ ކޮށްފަ އެވެ.
އެ އޮފީހުން ބުނި ގޮތުގައި ރައީސްގެ ދަތުރުފުޅު ގައި އެމަނިކުފާނުގެ އަރިހުގައި 20 ބޭފުޅަކު ބައިވެރިވެވަޑައިގެންނެވި އެވެ. އެއީ ރަސްމީ ވަފުދާއި ސަޕޯޓް ސްޓާފުން ހިމަނައިގެންނެވެ.
މި ދަތުރުފުޅަށް ދައުވަތު ލިބުނީ ވަގުތު ކުޑަތަންވެފައި ވަނިކޮށް ކަމުން ދިވެހި ސަރުކާރުގެ ވަފުދު އިންޑިއާއަށް ދަތުރުކުރައްވާފައި ވަނީ ދުބާއީ އަދި ސްރީލަންކާ މަގުންނެވެ. މިހެން ކަމުން ޓްރާންސިޓް ކުރުމާއެކު ދަތުރުފުޅުމަތީ ކޮންމެ ފަހަރަކު ވެސް 12 ގަޑިއިރާއި 24 ގަޑިއިރުގެ ވަގުތެއް ހޭދަވި ކަމަށް ރައީސް އޮފީހުން ބުންޏެވެ.
މުޅި ދަތުރުފުޅަށް ހަރުދުވީ 1،440،170.33 ރުފިޔާ އެވެ.
ރައީސް އޮފީހުން ބުނި ގޮތުގައި އިންޑިއާ އާއި ދިވެހި ސަރުކާރާ ދެމެދު އަބަދުވެސް އޮންނަ ގާތް ގުޅުން އިތުރަށް ބަދަހި ކުުރެއްވުމަށް މަޝްވަރާ ކުރެވުނު ކަމަށް ބުންޏެވެ.
މިއީ ރަައީސް މުއިއްޒު އިންޑިއާއަށް ކުރެއްވި ފުރަތަމަ ދަތުރުފުޅެވެ.