ސްޓްރޯކެއް ޖެހިގެން މިހާރުގެ އެޑިޓަރު އިސްމާއިލް ނަސީރަށް ފަރުވާދެނީ
އިސްމާއިލަށް މޭޖާ ސްޓްރޯކެއް ޖެހިގެން ފަރުވާދެމުން އަންނަކަން އޭނާ މަސައްކަތްކުރައްވާ "މިހާރު" ނޫހުން ކަށަވަރުކޮށްދެ އެވެ.
އޮންލައިން ނޫސް "މިހާރު" ގެ އެޑިޓަރެއް އަދި މަަޝްހޫރު ނޫސްވެރިޔާ އިސްމާއިލް ނަސީރަށް ސްޓްރޯކެއް ޖެހިގެން ފަރުވާދޭން ފަށައިފި އެވެ.
އިސްމާއިލް މަސައްކަތް ކުރައްވާ މިހާރު ނޫހުން ރިޕޯޓުކޮށްފައިވާ ގޮތުގައި، އޭނާއަށް ސްޓްރޯކެއް ޖެހުނީ އީދު ޗުއްޓީއަށް އާއިލާއާ އެކު ބ. އޭދަފުށީގައި ހުއްޓަ އެވެ.
ބ. އަތޮޅު ހޮސްޕިޓަލުގައި ފަރުވާ ދިނުމަށް ފަހު، އިތުރު ފަރުވާއަށް ރޭ ސީ އެމްބިއުލާންސްގައި އިސްމާއިލް ވަނީ މާލެ ގެނެސްފަ އެވެ. އިސްމާއިލްއަށް ފަރުވާދެމުން އަންނަނީ އޭޑީކޭ ހޮސްޕިޓަލުގައި ކަމަށާއި، އޭނާގެ ހާލު ސީރިޔަސް ކަމަށް ބުންޏެވެ.
އިސްމާއިލަކީ ނޫސްވެރިކަމުގެ ރޮނގުން ރަންގަލަން ހާސިލުކުރައްވައިގެން ހުންނެވި ވަރަށް ތަޖުރިބާކާރު ނޫސްވެރިއެކެވެ. "އާފަތިސް" ނޫހުން ނޫސްވެރިކަމަށް ނުކުތް އިސްމާއިލް ވަނީ "ހަވީރު" ނޫހުގެ މެނޭޖިން ޑިރެކްޓަރުކަން ވެސް ކުރައްވާފަ އެވެ.
ކޮމެންޓް
Republic of Maldives