ފިހާރައެއްގެ ބިއްލޫރިގަނޑު ތަޅާލައިގެން ވައްކަންކޮށްފި

މާލޭގެ މާފަންނުގައި ހުންނަ ފިހާރައެއްގެ ބިއްލޫރިގަނޑު ތަޅާލައިގެން ވައްކަން ކޮށްފި އެވެ. 

ފުލުހުން ބުނީ މާފަންނު "ސޮރީ ބޯއީސް" ނަމަކަށް ކިޔާ ފިހާރައިގެ ބިއްލޫރިގަނޑު ތަޅާލި މައްސަލައެއް، ރޭ 3:45 ހާއިރު ރިޕޯޓުކޮށްފައިވާ ކަމަށެވެ. 

އެ ފިހާރައިގެ ބިއްލޫރިގަނޑު ތަޅާލައިގެން ވަދެ، ފިހާރައިން ވައްކަން ކޮށްފައިވާކަމަށާއި، ނަމަވެސް މިހާރު ގެންދިޔަ ތަކެތި ހޯދިފައިވާކަމަށް ފުލުހުން ބުނެ އެވެ. 

ފުލުހުންގެ މީޑިއާ އޮފިޝަލަކު "މިރާ"އަށް ވިދާޅުވީ، ވައްކަން ކުރި މީހާ ތަކެއްޗާ އެކު މަގުމަތިން މީހަކަށް ފެނިގެން، އެތަކެތި އުކާލުމަށް ފަހު ފިލާފައިވާކަމަށެވެ. އޭނާ ހޯދުމުގެ މަސައްކަތް ފުލުހުން އަންނަނީ ކުރަމުންނެވެ. 

ފުލުހުން ބުނީ މި މައްސަލާގައި ބަލަން ޖެހޭ ކަންކަން ބަލަމުން ދާކަމަށެވެ.