އީދު ދުވަހު ހަވީރު މަގުތަކުގައި ވެހިކަލް ދުއްވުން މަނާކޮށްފި
މާލޭގެ މަގުތަކުގައި އީދު ދުވަހު ހަވީރު 16:00 އިން އިރުއޮއްސި 18:00 އާ ދެމެދު އެއްގަމު އުޅަނދުފަހަރު ދުއްވުން މަނާކުރަން ސިޓީ ކައުންސިލުން ނިންމައިފި އެވެ.
އަޟްހާ އީދު ދުވަހުގެ ހަވީރު ވަގުތުގައި މާލެއާއި ހުޅުމާލެ އަދި ވިލިމާލޭގެ މަގުތަކުގައި އުޅަނދުފަހަރު ދުއްވުން ސިޓީ ކައުންސިލުން މަނާކޮށްފި އެވެ.
މިއަދު މާލޭ ސިޓީ ކައުންސިލުގެ އިދާރާއިން ނެރުނު ނޫސް ބަޔާނެއްގައި ބުނެފައިވަނީ އީދު ދުވަސް ފާހަގަކުރުމުގެ ގޮތުން އީދު ދުވަހު ހަވީރު 16:00 އިން ފެށިގެން އިރުއޮއްސި 18:00 އާ ދެމެުދގައި މާލެއާއި ވިލިމާލެ އަދި ހުޅުމާލޭގެ އާންމު ހުރިހާ މަގުތަކެއްގައި ވެހިކަލް ނުދުއްވާ ގޮތަށް ހަމަޖައްސަން ނިންމާފައިވާ ކަމަށެވެ.
މާލެއާއި ހުޅުމާލެ އަދި ވިލިމާލޭގެ މަގުތައް ބަންދުކުރަން ކައުންސިލުން ނިންމީ މިއަދު އޮތް ސިޓީ ކައުންސިލުގެ ރަސްމީ ބައްދަލުވުމެގަ އެވެ.
ކައުންސިލުން ބުނެފައިވަނީ އިމަޖަންސީ ހާލަތުގައި ދަތުރުކުރަން ހާއްސަ ސްޓިކާއެއް ކައުންސިލުން ދޫކުރާނެ ކަމަށެވެ. އަދި އެ ސްޓިކާ ލިބޭނީ ކައުންސިލުގެ އާންމު ހިދުމަތާއި ބެހޭ ބައިން ކަމަށެވެ. ތައިސޭކޮށީގައި ހުންނަ އާންމު ހިދުމަތާ ބެހޭ ބައިން ސްޓިކާ ދޫކުރަން ހަމަޖެހިފައިވާ ވަގުތުތައް ކައުންސިލުން ހާމަކޮށްފައިވެ އެވެ.
ސްޓިކާ ދޫކުރާ ވަގުތުތައް
- 14 ޖޫން، ހުކުރު: މެންދުރުފަހު 2:00 އިން ހަވީރު 4:00 އަށް އަދި ރޭގަނަޑު 9:00 އިން 11:00 އަށް
- 15 ޖޫން، ހޮނިހިރު: ހެނދުނު 10:00 އިން މެންދުރުފަހު 2:00 އަށް އަދި ރޭގަނޑު 9:00 އިން 11:00 އަށް
ކައުންސިލުން އިތުރަށް ބުނެފައިވަނީ އީދު ދުވަހު މާލެއާއި ވިލިމާލެއާއި ހުޅުމާލޭ މަގުތަކުގައި އިންޖީނުލީ އުޅަަނދުފަހަރުގެ އިތުރަށް ބެޓަަރީ އުޅަނދުފަހަރު ދުއްވުންވެސް މަނާވާނެ ކަމަށެވެ. އަދި އެވަގުތުތަކުގައި އުޅަނދުފަހަރު ދުއްވާ މީހުންނާމެދު ގާނޫނީ ފިޔަވަޅު އަޅާނެ ކަމަށް ކައުންސިލުން ބުންޏެވެ.
ކޮމެންޓް
Republic of Maldives