ހަތަރު މީހުން ތިބި ދޯންޏެއް ދިޔަވެ އަޑިއަށް ދަނީ

ހަތަރު މީހުން ތިބި ދޯންޏެއް ދިޔަވެ އަޑިއަށް ދާތީ ސިފައިން ހަރަކާތްތެރިވާން ފަށައިފި އެވެ.

ކޯސްޓްގާޑުން ބުނީ ހަތަރު މީހުންނާ އެކު، ޅ. އަތޮޅަށް ދަތުރު ކުރަމުން ދިޔަ "ލޫން 2" ނަމަކަށް ކިޔާ ދޯންޏެއް، ކ. ހެލެގެލި ކައިރިން ދިޔަވެ އަޑިއަށްދާ ކަމަށެވެ.

އެ ރިޕޯޓާއި ގުޅިގެން އެމްއެންޑީއެފް މާލެ އޭރިއާ ކޮމާންޑް ކޯސްގާޑް ސެކަންޑް ސްކޮޑްރަންއިން އެހީތެރިކަން ފޯރުކޮށްދޭން ފަށާފައިވާ ކަމަަށް ވެސް ބުންޏެވެ.

މި ހާދިސާގެ ރިޕޯޓް ލިބުނީ މިރޭ 8:52 ހާއިރު ކަމަށް ކޯސްޓްގާޑުން ބުންޏެވެ. ދޯނީގެ ބޮޑުބައެއް މިހާރު އޮތީ އަޑީގަ އެވެ.

މި ހާދިސާ ހިނގީ ކަނޑުއޮޅިން ނުކުންނަށް އުޅުމުގެ ތެރޭގައި ގަލެއްގައި ޖެހިގެން ކަމުގެ މައުލޫމާތު ލިބިފައިވާ ކަމަށް ވެސް ބުންޏެވެ.