ލޯންޗުން ޖެހި މީހަކު މަރުވި މައްސަލައިގައި ކެޕްޓަން ހައްޔަރު ކޮށްފި
ފުލުހުން ބުނީ މި މައްސަލައިގައި ލޯންޗު ދުއްވަން އިން ކެޕްޓަނަކީ ދިވެހި ފިރިހެނެއް ކަމަށެވެ. އޭނާ މިހާރު ހުރީ ފުލުހުންގެ ހައްޔަރުގަ އެވެ.
އދ. ދަނގެތި ކައިރިން މޫދަށް ފައިބާ އުޅުނު ބިދޭސީ މީހެއްގެ ގައިގައި ލޯންޗަކުން ޖެހިގެން މަރުވި މައްސަލައިގައި އެ ލޯންޗުގެ ކެޕްޓަން ހައްޔަރު ކޮށްފި އެވެ.
ފުލުހުން ބުނީ މި މައްސަލައިގައި ލޯންޗު ދުއްވަން އިން ކެޕްޓަނަކީ ދިވެހި ފިރިހެނެއް ކަމަށެވެ. އޭނާ މިހާރު ހުރީ ފުލުހުންގެ ހައްޔަރުގަ އެވެ.
މަރުވި ބިދޭސީ މީހާ މޫދަށް ފައިބައިގެން އުޅުނީ ފާނަ މަސްވެރިކަން ކުރުމަށެވެ. ފުލުހުން ބުނީ ބިދޭސީ މީހާ ގައިގައި ލޯންޗުން ޖެހުނު ހަބަރު ފުލުހުންނަށް ރިޕޯޓް ކޮށްފައި ވަނީ މިއަދު ހެނދުނު 7:55 ހާއިރު ކަމަށެވެ.
މައުލޫމާތު ލިބިފައިވާ ގޮތުގައި ލޯންޗު ދިޔައީ ބިދޭސީ މީހާ ގައި މަތިންނެވެ. އެ މީހާ ދަނގެތި ސިއްހީ މަރުކަޒަށް ގެންދިޔައިރު ވެސް އޮތީ މަރުވެފައި ކަމަށް ފުލުހުން ބުންޏެވެ.
މި މައްސަލަ ތަހުގީގު ކުރަމުންދާ ކަމަށް ވެސް ފުލުހުން ބުނެފައިވެ އެވެ.
ކޮމެންޓް
Republic of Maldives