ލާމުގައި ގައުމީ ޔުނިވާސިޓީން ޓޫރިޒަމަށް މީހުން ތަމްރީން ކުރާނެ ރިސޯޓެއް
ޓްރޭނިން ރިސޯޓެއް ހަދަން ރާއްޖޭގައި މިހާތަނަށް ކުދި ހުރިހާ މަސައްކަތެއް ވަނީ ނާކާމިޔާބުވެފަ އެވެ.
ގައުމީ ޔުނިވާސިޓީން ލާމު އަތޮޅުގައި މީހުން ތަމްރީން ކުރާނެ ރިސޯޓެއް ހަދަން ނިންމައި، ރަށް ކަނޑައަޅާފައިވާ ކަމަށް ހަޔަ އެޑިއުކޭޝަން މިނިސްޓްރީން ބުނެފި އެވެ.
ގައުމީ ޓީވީގައި ވާހަކަ ދައްކަވަމުން ސްޓޭޓް މިނިސްޓަރ އަޙްމަދު ޝަފީއު ވިދާޅުވީ ގައުމީ ޔުނިވަރސިޓީގެ އިސްނެގުމާއެކު ލާމުގައި ޓްރެއިނިން ރިސޯޓެއް ހަދަން ރަށް ހަމަޖެހި އެކަމުގެ މަސައްކަތްތައް ފެށިފައިވާ ކަމަށެވެ. މި ރަަށް ތަރައްގީ ވެގެންދާނީ ދިވެހިންގެ އިތުރުން ބޭރުން ދަރިވަރުން އައިސް ތައުލީމް ހާސިލް ކުރެވޭ ފެންވަރުގެ ތަނެއްގެ ގޮތުގައި ކަމަށް މިނިސްޓަރު ފާހަގަ ކުރެއްވި އެވެ.
"ބޭރުން ދަރިވަރުން ކިޔަވަން އަންނަ މަންޒިލެއްގެ ގޮތުގައި ރާއްޖެ ވެގެންދާނެ،" ޝަފީއު ވިދާޅުވި އެވެ.
ޓްރެއިނިން ރިސޯޓެއް ލާމުގައި ތަރައްގީ ކުރުމުގެ މަސައްކަތްތަކެއް ފެށިފައިވާ ކަމަށް ހަޔާ އެޑިއުކޭޝަން މިނިސްޓްރީން ބުނިނަމަވެސް ރިސޯޓް ހަދަނީ ކޮން ރަށެއްގައި ކަމެއް ނުބުނެ އެވެ. ނަމަވެސް ޓޫރިޒަމް މިނިސްޓަރު ފައިސަލް ވަނީ ލ. ގައި ހަތް ރިސޯޓް ތަރައްގީ ކުރާނެ ކަމަށް ވިދާޅުވެފަ އެވެ. އަދި ލ.އަތޮޅު ބޮޑުފިނޮޅު ސަރުކާރަށް ނަގާފައިވާކަމަށާއި އެރަށް ފަތުރުވެރިކަމަށް ތަރައްގީ ކުރާނެ ކަމަށް ވިދާޅުވެފައިވެއެވެ.
ކޮމެންޓް
Republic of Maldives