ގަން އެއާޕޯޓްގެ އެމްޑީއަކަށް ވަހީދު، ހައްޖު ކޯޕަރޭޝަންގެ ޗެއާމަނަކަށް ޝެއިހް ރަޝީދު
ވަހީދަކީ އައްޑޫ އިންޓަނޭޝަނަލް އެއާޕޯޓް މެނޭޖިން ޑިރެކްޓަރު ކަން ކުރެއްވި ބޭފުޅެކެވެ.
އައްޑޫ އިންޓަނޭޝަނަލް އެއާޕޯޓްސް ލިމިޑެޓްގެ މެނޭޖިން ޑިރެކްޓަރު ކަމުގެ މަގާމަށާއި މޯލްޑިވްސް ހައްޖު ކޯޕަރޭޝަންގެ ޗެއާމަންގެ މަގާމަށް ބޭފުޅުން އައްޔަނު ކުރައްވައިފި އެވެ.
ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުން ބުނީ އައިލެންޑް އޭވިއޭޝަން ސާވިސް ލިމިޑެޓްގެ މެނޭޖިން ޑިރެކްޓަރު ކަމުގެ މަގާމަށް ސ. ހިތަދޫ ފްރެސްކޯ، މުހައްމަދު ވަހީދު ހުސައިން އަދި މޯލްޑިވްސް ހައްޖު ކޯޕަރޭޝަންގެ ޗެއާމަންގެ މަގާމަށް ޝެއިހް މުހައްމަދު ރަޝީދު އިބްރާހިމް ރަޝީދު މިއަދު އައްޔަނު ކުރައްވާފައިވާ ކަމަށެވެ.
ވަހީދަކީ އައްޑޫ އިންޓަނޭޝަނަލް އެއާޕޯޓް މެނޭޖިން ޑިރެކްޓަރު ކަން ކުރީން ވެސް ކުރެއްވި ބޭފުޅެކެވެ. ޝެއިހް ރަޝީދު ކުރީން ވެސް ވަނީ ހައްޖު ކޯޕަރޭޝަންގެ އިސް މަގާމުތައް ފުރުއްވާ ފައެވެ.
މީގެ އިތުރުން ގިނަ ކުންފުނިތަކެއްގެ ބޯޑަށް މެންބަރުން ވަނީ އައްޔަނު ކޮށްފަ އެވެ. އެއީ؛
- އަލީ ފާރިސް - ބޭންކު އޮފް މޯލްޑިވްސްގެ ބޯޑް މެންބަރު ކަމަށް
- މުހައްމަދު މާއިޒު މުނާޒް - އެސްއެމްއީ ޑިވެލޮޕްމަންޓް ފައިނޭންސް ކޯޕަރޭޝަންގެ ބޯޑް މެންބަރު ކަމަށް
- މުހައްމަދު ސައީދު - ފަހި ދިރިއުޅުން ކޯޕަރޭޝަންގެ ބޯޑް މެންބަރު ކަމަށް
- އަހްމަދު ސިރާޖް - މޯލްޑިވްސް އިސްލާމިކް ބޭންކުގެ ބޯޑް މެންބަރު ކަމަށް
- އާއިޝަތު ވަފާ މުހައްމަދު މަނިކު - ރީޖަނަލް އެއާޕޯޓްސް ކޮމްޕެނީގެ ބޯޑް މެންބަރު ކަމަށް
- ޝަޒްނާ މުހައްމަދު - މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީގެ ބޯޑް މެންބަރު ކަމަށް
- ޒުލައިހާ ޔޫމީ ރަޝީދު - މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީގެ ބޯޑް މެންބަރު ކަމަށް
- އަލީ މައުސޫމް - ބިޒްނަސް ސެންޓާ ކޯޕަރޭޝަންގެ ބޯޑް މެންބަރު ކަމަށް
- ހަސަން މިރާސް - މޯލްޑިވްސް އެއާ ޓްރެފިކް ސާވިސްގެ ބޯޑް މެންބަރު ކަމަށް
- ޔޫސުފް ވަހީދު - ސްޓޭޓް އިލެކްޓްރިކް ކޮމްޕެނީގެ ބޯޑް މެންބަރު ކަމަށް
ކޮމެންޓް
Republic of Maldives