ވެމްކޯގެ ޓްރާންސްފާ ސްޓޭޝަންތަކަށް ވަންނަން ނަގާ ފީ ކަނޑާލައިފި
ވެމްކޯއިން ބުނާ ގޮތުން މިދިޔަ އަންގާރަ ދުވަހުން ފެށިގެން، ޓްރާންސްފާ ސްޓޭޝަންތަކަށް ވަނުމަށް ނަގާ ގޭޓްފީ ކާނޑާލާފައިވާނެ އެވެ.
ވެމްކޯގެ ޓްރާންސްފާ ސްޓޭޝަންތަކަށް ވަންނަ ކޮންމެ އުޅަނދަކުން ނަގަމުން އަންނަ 150ރ. ގޭޓު ފީ ކަނޑާލައިފި އެވެ.
ވެމްކޯއިން ކުރި އިއުލާނެއްގައި ބުނީ، މާލެ ސަރަހައްދުގައި ކުނި އުކާ އާންމު އުޅަނދުތަކުން ނަގާ ފީތަކަށް ބަދަލުތަކެއް ގެނައުމަށް ނިންމާފައިވާ ކަމަށެވެ.
އެގޮތުން ވިޔަފާރި އުސޫލުން އުކާލަން ގެންނަ ކުނިން ކޮންމެ ޓަނަކަށް ޓިޕިން ފީގެ ގޮތުގައި ޗާޖް ކުރާ އަގަކީ 500ރ. ކަަމަށް ކަނޑައަޅާފައި ވެއެވެ. މީގެ ކުރިން މި ފީ ނަގަމުން އައީ ކޮންމެ ޓަނަކުން 750ރ. ގެ ރޭޓުންނެވެ.
އޭގެ އިތުރުން މާލެ ސަރަހައްދުގެ ހުރިހާ ޓްރާންސްފާ ސްޓޭޝަންތަކެއްގައި ކުނީގެ ބަރުދަން ބެލުމުގެ އިންތިޒާމް ގާއިމު ކުރެވެން ދެން، ބަރުދަން ރިއާޔަތްކޮށް އަގު ނެގުން ހުއްޓާލާފައިވާ ކަމަށް ވެސް ވެމްކޯއިން ބުނެފައި ވެއެވެ.
ކޮމެންޓް
Republic of Maldives