ޑްރެޖަރެއްގައި ހާދިސާއެއް؛ އަނިޔާވި މީހާ މަރުވެއްޖެ

ހުޅުމާލޭ ފަޅު ތެރޭގައި އޮތް ޑްރެޖަރެއްގައި ހިނގި ހާދިސާއެއްގައި ބިދޭސީއަކަށް އަނިޔާވެ މަރުވެއްޖެ އެވެ. 

ފުލުހުން މިއަދު މީޑިއާތަކަށް ފޮނުވި މެސެޖެއްގައި ބުނީ ހުޅުމާލޭ ފަޅުތެރޭގައި އޮތް ޑްރެޖަރެއްގައި މަސައްކަތް ކުރާ ބިދޭސީއަކަށް އަނިޔާވެގެން ހޮސްޕިޓަލަށް ގެންދިޔަ އިރުވެސް މަރުވެފައިވާކަމަށެވެ. 

މި ހާދިސާގެ ރިޕޯޓު ފުލުހުންނަށް ލިބިފައި ވަނީ 10:38 ގައި ކަމަށް ފުލުހުން ބުނެ އެވެ. 

ފުލުހުން ބުނީ މަރުވެފައި ވަނީ އުމުރުން 30 އަހަރުގެ އިންޑިއާ ފިރިހެނެއް ކަމަށެވެ. އަދި މި ހާދިސާއާ ގުޅިގެން ބަލަން ޖެހޭ ކަންކަން ބަލާކަމަށް ވެސް ފުލުހުންގެ މެސެޖުގައި ބުނެ އެވެ. 

ބިދޭސީ މީހާ މަރުވީ ކޮން ހާދިސާއެއް ހިނގައިގެން ކަމެއް ފުލުހުން ހާމައެއް ނުކުރެ އެވެ.