މޫސުން ގޯސްވެ މުޅި ރާއްޖެއަށް ހުދު ސަމާލް ނެރެފި

މުޅި ރާއްޖެއަށް މޫސުން ގޯސްވާނެކަމަށް ލަފާކޮށް ހުދު ސަމާލް ނެރެފި އެވެ. 

މޫސުމާ ބެހޭ ގައުމީ އިދާރާ (މެޓް) އޮފީހުން ހުދު ސަމާލް ނެރެފައި ވަނީ މިއަދު މެންދުރު 12:00 އާ ހަމައަށެވެ. 

މެޓް އޮފީހުން ބުނީ އެވަގުތާ ހަމައަށް ރާއްޖޭގެ ހުރިހާ ހިސާބަކަށް ވިއްސާރަވެ، ބޯކޮށް ވާރޭ ވެހުމާއި ގުގުރުން އަދި ވިލާގަނޑުގައި 35 މޭލަށް ވައި ގަދަވާނެ ކަމަށް ބެލެވޭ ކަމަށެވެ. 

މިދިޔަ ހަފްތާ ބަންދުން ފެށިގެން ދެކުނުގެ އަތޮޅުތަކަށް މޫސުން ގޯހެވެ. އިއްޔެ ހަވީރުން ފެށިގެން މާލެއަށް ވެސް އަންނަނީ ވިއްސާރަވެ ވާރޭ ވެހެމުންނެވެ. 

އިއްޔެ ބޯކޮށް ވާރޭވެހުމުގެ ސަބަބުން މާލޭގެ ބައެއް ހިސާބުތަކުގައި ފެންބޮޑުވެ، އެމްއެންޑީއެފް އިން ހަރަކާތްތެރިވި އެވެ. 

ކޮންމެ އަހަރެއްގެ ވެސް މި ދުވަސްވަރު ރާއްޖޭގެ އެކި ހިސާބުތަކަށް ވިއްސާރަކުރެ އެވެ. މިހާރު ރާއްޖެއަށް މިކުރާ ވިއްސާރައަކީ ދެމޫސުން ބެދޭ ދުވައްވަރުގެ ވިއްސާރަ އެވެ.  

އިރުވައި މޫސުން ނިމި ހުޅަނގު މޫސުން ރާއްޖެއަށް ލައިގަންނަނީ މޭ މަހުގެ މެދެއްހާ ހިސާބުގަ އެވެ. ޑިސެމްބަރު މަހުން ފެށިގެން އޭޕްރީލް މަހުގެ ނިޔަލަށް އޮންނަނީ ދެމޫސުން ބެދޭ ދުވަސްވަރެވެ.