އެންމެން ހައިރާން ކޮށްލުމަަށް ފަހު ނޮޅިވަރަމް ގޮނޑިއަށް ގަދަގެ ރަޝީދު

ވަރަށް ވާދަވެރި ވާނެ ކަމަށް ބެލެވުނު ހދ. ނޮޅިވަރަމް ދާއިރާގެ ގޮނޑި، އަމިއްލަ ކެންޑިޑޭޓް މުހައްމަދު ރަޝީދު (ގަދަގޭ ރަޝީދު) ކާމިޔާބު ކޮށްފި އެވެ.

ފަސް ކެންޑިޑޭޓުން ވާދަކުރި އިންތިހާބު ގައި ރަޝީދު ވަނީ 650 ވުރެ ގިނަ ވޯޓް ހޯދާފައެވެ. ރަޝީދުއާ އެންމެ ގާތުން ވާދަކުރި ކޮންގްރެސްގެ އަހްމަދު އަޝްރަފަށް ލިބުނީ 590 އެއްހާ ވޯޓެވެ.

ތިން ވަނަ އަށް ދިޔައީ އެމްޑީޕީގެ ކެންޑިޑޭޓް އަލީ އަބްދުއްރަހްމާން އެވެ.

އެ ދާއިރާގެ މެންބަރު -- އާންމުންގެ މެދުގައި ވަރަށް މަގުބޫލު މުހައްމަދު ނަޝީދު އަބްދުﷲ (މޮސްޓާ) އަށް ލިބުނީ ލަފާކުރި ވަރަށް ވުރެ ދަށް ނަތީޖާ އެކެވެ. ނަޝީދަށް ލިބުނީ 300 އެއްހާ ވޯޓެވެ.

ޖޭޕީ ޓިކެޓް ގައި ވާދަކުރި ހަނިމާދޫ ދާއިރާގެ ކުރީގެ މެންބަރު ހުސައިން ޝަހުދީ ދިޔައީ ފުލަަށެވެ.