ޔަތަލް އަތްދަށުވެ ބިގޭގެ މަޖިލީހުގެ ދައުރު ނިމިއްޖެ
އިތުރު ދައުރެއް ހޯއްދަވަން އިންތިހާބު ގައި ވާދަ ކުރެއްވި ބިގޭ އަކީ އެމްޑީޕީގެ ޕީޖީ ގުރޫޕާއި ޕާޓީގައި ވެސް މިވަގުތު އެންމެ ސީނިއާ އެއް ބޭފުޅެވެ.
މިއަދު އޮތް ވިހިވަނަ ރައްޔިތުންގެ މަޖިލީހުގެ އިންތިހާބު ގައި އަލިފުށީ ދާއިރާގެ ގޮނޑި ޕީއެންސީގެ ކެންޑިޑޭޓް އަބްދުލްލަތީފް އަބްދުއްރަހްމާން (ޔަތަލް) ކާމިޔާބު ކުރައްވައިފި އެވެ.
ޔަތަލް، އަލިފުށީ ދާއިރާގެ ގޮނޑި ކާމިޔާބު ކުރެއްވީ އެ ދާއިރާގެ މިހާރުގެ މެންބަރު މުހައްމަދު ރަޝީދު ހުސައިން (ބިގޭ) އާ ވާދަ ކުރައްވަ އެވެ. އަލިފުށީ ދާއިރާގެ މެންބަރު ކަން ދެ ދައުރު ކުރައްވާފައިވާ ބިގޭ ވަނީ ރ އަތޮޅުގެ މެންބަރު ކަން ވެސް ކުރައްވާފައެވެ.
އިތުރު ދައުރެއް ހޯއްދަވަން އިންތިހާބު ގައި ވާދަ ކުރެއްވި ބިގޭ އަކީ އެމްޑީޕީގެ ޕީޖީ ގުރޫޕާއި ޕާޓީގައި ވެސް މިވަގުތު އެންމެ ސީނިއާ އެއް ބޭފުޅެވެ.
ޔަތަލް އަކީ މަޖިލީހަށް އައު ނަމަވެސް އަލިފުށީގައި ސިޔާސީ ގޮތުން ވަރަށް ފާހަގަ ކޮށްލެވޭ ބޭފުޅެކެވެ. އޭނާ ޕީއެންސީގެ ޓިކެޓް ހޯއްދެވީ ޕާޓީގެ ޕްރައިމަރީންނެވެ. އޮޑިދޯނި ބަނުމުގެ މަސައްކަތުގައި ކުރީން އުޅުނު ޔަތަލް އަކީ ޕީޕީއެމް / ޕީއެންސީއަށް އެންމެ ދަތިވި ވަގުތު އަލިފުށީ ގައި ދެ ޕާޓީ ނެގެހެއްޓުމަށް އެންމެ އިސް ދައުރެއް އަދާކުރި މެންބަރެވެ.
ކޮމެންޓް
Republic of Maldives