ރައީސްގެ ކޮއްކޯފުޅު ގޮނޑި ކާމިޔާބު ކުރައްވައިފި

މިއަދު އޮތް ރައްޔިތުންގެ މަޖިލީހުގެ އިންތިހާބު ގައި ފ. ނިލަންދޫ ދާއިރާގެ ގޮނޑި ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ކޮއްކޯފުޅު ފާތިމަތު ސައުދާ ކާމިޔާބު ކުރައްވައިފި އެެވެ.

ނިލަންދޫ ދާއިރާއަށް ވާދަ ކުރެއްވީ ސައުދާގެ އިތުރުން އަހްމަދު ރަޝީދު އެވެ. އަހްމަދަކީ އަމިއްލަ ގޮތުން އިންތިހާބު ގައި ވާދަކުރި ކެންޑިޑޭޓެކެވެ.

ހުރިހާ ވޯޓް ފޮއްޓަކުން ބޮޑު ތަފާތަކުން ކުރި ހޯއްދެވީ ސައުދާ އެވެ. 

ޕީޕީއެމް / ޕީއެންސީގެ ތާއީދު ވަރަށް ބޮޑު ނިލަންދޫ ދާއިރާއަށް އިދިކޮޅު އެމްޑީޕީން ކެންޑިޑޭޓަކު ނެރެފައެއް ނުވެ އެވެ. ސައުދާއާ ވާދަ ކުރެއްވި އަހްމަދު ރަޝީދަކީ ވެސް ކުރީން ޕީޕީއެމް މެންބަރެކެވެ. ޕްރައިމަރީ ގައި ސައުދާއާ ވާދަ ކުރަން ވެސް ނިންމި އެވެ. ނަމަވެސް އިންތިހާބާމެދު ސުވާލު އުފައްދާ އަމިއްލަ ގޮތުން ވާދަ ކުރަން ނިންމީ އެވެ.