ހަ ރޯދައިގައިވެސް ޗަމްޕާ ބްރަދާސްއިން ކަރާގެ ހަދިޔާ

ހަ ރޯދައާ ދިމާކޮށް މަޝްހޫރު ޗަމްޕާ މުހައްމަދު މޫސާ (އުއްޗު) އާއި ޗަމްޕާ ހުސައިން އަފީފްގެ ޗަމްޕާ ބްރަދާސްއިން 25 ޓަނުގެ ކަރާ ހަދިޔާ ކޮށްފި އެވެ. 

ހަދިޔާ ކުރާ، ކަރާ ބަހަނީ ލޯކަލް ގަވަމެންޓް މިނިސްޓްރީ މެދުވެރިކޮށެވެ. ޗަމްޕާ ބްރަދާސް އިން ބުނީ، ރޯދައަށް ގެނައި ކަރާގެ ފަހު ޝިޕްމަންޓް އެ މިނިސްޓްރީއާ މިހާރު ހަވާލު ކޮށްފައިވާ ކަމަށެވެ. 

ޗަމްޕާ ބްރަދާސްގެ ފަރާތުން، މި އަހަރުގެ ރޯދަމަހު ދިވެހި ރައްޔިތުންނަށް ދޭ ރޯދަ ހަދިޔާގެ ގޮތުގައި މީގެ ކުރީން ވަނީ، 120 ޓަނު ކަރާ، 90 ހާސް ކާށި، އަދި 10 ޓަނު ފިޔާ، 10 ޓަނު އަލުވި ލޯކަލް ގަވަމެންޓް މިނިސްޓްރީއާ ހަވާލު ބަހާފަ އެވެ. 

ޗަމްޕާ ބްރަދާސްއަކީ، ދިވެހި ރައްޔިތުންގެ ލާބަޔާ މަންފާއަށް އަދި ޖަމާއަތުގެ ތަރައްގީއަށްޓަކައި ދީލަތި އެހީތަކެއް ވާ ކުންފުންޏެކެވެ. އުމްރާނީ ތަރައްގީގެ މަޝްރޫއުތަކާ، ތަޢުލީމީ އަދި ސިއްހީ ކަންކަމާއި ކުޅިވަރާ އިޖްތިމާއީ ކަންކަމުގައިވެސް ފަރުދުންނަށާ ޖަމާއަތްތަކަށް ޗަމްޕާ ބްރަދާސް އިން އަބަދު ވެސް އެހީވެ އެވެ.