އިއްޔެގެ ނިޔަލަށް ޒަކާތުގެ ގޮތުގައި 9.2 މިލިއަން ރުފިޔާ ލިބިއްޖެ
އިސްލާމިކް މިނިސްޓްރީން ބުނީ އިއްޔެގެ ނިޔަލަށް ފިތުރު ޒަކާތުގެ ގޮތުގައި 9,279,383.00 ރުފިޔާ ލިބިފައިވާ ކަމަށެވެ.
ފިތުރު ޒަކާތުގެ ގޮތުގައި ރަމަޟާން މަހުގެ 29 ވަނަ ދުވަހުގެ ނިޔަލަަށް 9.2 މިލިއަނަށް ވުރެ ގިނަ ރުފިޔާ ލިބިއްޖެ އެވެ.
އިސްލާމިކް މިނިސްޓްރީން ބުނީ އިއްޔެގެ ނިޔަލަށް ފިތުރު ޒަކާތުގެ ގޮތުގައި 9,279,383.00 ރުފިޔާ ލިބިފައިވާ ކަމަށެވެ. އެއީ މިނިސްޓްރީގެ ކައުންޓަރުންނާއި އޮންލައިން ކޮށް ޒަކާތް ދެއްކި މިންވަރެވެ.
މިއީ ކުރީ އަހަރުތަކަށް ވުރެ މަތީ ނިސްބަތެކެވެ.
އެހެން އަހަރުތަކެކޭ އެއްގޮތަށް މި އަހަރުވެސް ގޮވާމުގެ ބާވަތްތަކުން ފިތުރު ޒަކާތް ދައްކަން ބޭނުންވާ މީހުންނަށް ފުރުސަތު ހުޅުވާލި އެވެ. ގިނަ ބަޔަކު ވަނީ ގޮވާމުން ވެސް ޒަކާތް ދައްކާފަ އެވެ.
މިނިސްޓްރީން ރޭ ވަނީ ފަގީރުންނަށް ޒަކާތް ބަހަން ވެސް ފަށާފައެވެ.
އިސްލާމިކް މިނިސްޓަރު ޑރ. މުހައްމަދު މުހައްމަދު ޝަހީމް އަލީ ސައީދު ރޭ ވިދާޅުވި ގޮތުގައި މާލޭ ގައި ފަގީރުންގެ ގޮތުގައި ދަފްތަރު ކުރެވިފައިވާ މީހުންނަށް ފިތުރު ޒަކާތުގެ ފައިސާ ވަނީ ބަހަން ފަށާފައެވެ.
ތާރީހީ ގޮތުން ބަލާއިރު ރާއްޖޭގައި ފިޠތުރު ޒަކާތް ބަހަމުން އަންނަނީ އެރަށަކުން ލިބޭ އެއްޗެހި އެރަށެއްގެ ފަގީރުންނަށް ކަމަށާ އެރަށެއްގައި ފަގީރަކު ނެތް ނަމަ އެންމެ ގާތުގައި އޮތް ފަގީރުން ތިބި ރަށަކަށް މިނިސްޓަރު ފާހަގަ ކުރެއްވި އެވެ.
މިނިސްޓަރު ވަނީ މާލެއަށް ފިތުރު ޒަކާތް ދެއްކި އަދަދު އިތުރުވެފައި ކަން ފާހަގަ ކުރައްވާފައެވެ. އަދި ވިދާޅުވީ މާލޭގައި ފަގީރުންގެ ގޮތުގައި ދަފްތަރު ކުރެވިފައިވާ ކޮންމެ މީހަކަށް އަށް ހާސް ރުފިޔާގެ ރޭޓުން ފިތުރު ޒަކާތް ބަހަން ފަށާފައި ކަމަށެވެ. ފައިސާ ޖަމާވާނީ ސީދާ އެމީހެއްގެ އެކައުންޓަށް ކަމަށް ވިދާޅުވި އެވެ.
ކޮމެންޓް
Republic of Maldives