މާލޭގައި ކުލަގަދަކޮށް ކުޑަ އީދު ފާހަގަ ކުރަނީ
ކުޑަ އީދުގެ ފުރަތަމަ ހަރަކާތަކީ ކުލަ ޖެހުމުގެ ހަރަކާތެކެެވެ. އެ ހަރަކާތް އޮންނާނީ އީދު ދުވަހުގެ ހެނދުނު 9:30 ގައި ރަސްފަންނު ގައެވެ.
މި އަހަރުގެ ކުޑަ އީދު މާލެ ސިޓީގައި ވަރަށް ކުލަގަދަ ކޮށް ފާހަގަ ކުރަން ނިންމާފައިވާ ކަމަށް މާލެ ސިޓީ ކައުންސިލުން ބުނެފި އެވެ.
ކައުންސިލުން ވަނީ "އެކްސް" ގައި ކުރި ޕޯސްޓެއްގައި ކުޑަ އީދުގެ ހަރަކާތްތަކުގެ ތަފްސީލު ހިއްސާކޮށްފައެވެ. މި އަހަރުގެ އީދު ފާހަގަ ކުރާނީ "މަގޭ އީދު" ނަމުގައެވެ. އެ ހަރަކާތްތައް ހިންގާނީ ސާދަ އެންޓަޓައިމަންޓްއާ ގުޅިގެންނެވެ.
ކުޑަ އީދުގެ ފުރަތަމަ ހަރަކާތަކީ ކުލަ ޖެހުމުގެ ހަރަކާތެކެެވެ. އެ ހަރަކާތް އޮންނާނީ އީދު ދުވަހުގެ ހެނދުނު 9:30 ގައި ރަސްފަންނު ގައެވެ. މީގެ އިތުރުން ހަވީރު މާލި ޕެރޭޑެއް އޮންނާނެ އެވެ. ބޮޑު މަސް ދުއްވުމުގެ ހަރަކާތް ވެސް އީދު ދުވަހުގެ ހަވީރު ކުރިއަށް ގެންދަން ވަނީ ނިންމާފައެވެ. މާލެ ސިޓީގެ މައި މަގު -- މަޖީދީމަގުގައި އެ ހަރަކާތްތައް ފެށޭނީ ހަވީރު 4:00 ގައެވެ.
ކައުންސިލުން ބުނި ގޮތުގައި އީދަށް ހާއްސަ ޝޯ އެއްވެސް ބާއްވަން ވަނީ ނިންމާފައެވެ. އީދު ދުވަހުގެ ރޭ އެ ޝޯ އޮންނާނީ އާޓިފިޝަލް ބީޗު ގައެވެ. މީގެ އިތުރުން ހަވާ އެރުވުމުން ވެސް އޮންނާނެ އެވެ.
ކުޑަ އީދަށް މާލެ ސިޓީ ކުލަ ބޮކިތަކާއި ޝިއާރުތަކުން ދިއްލާލަން ވެސް ވަނީ ނިންމާފައެވެ. އެއީ ރައީސް މުއިއްޒުގެ ރިޔާސީ ވައުދުފުޅެއް ވެސް މެ އެވެ. މިހާރު ވެސް އެ މަސައްކަތް ވަނީ ފަށާފައެވެ.
ކޮމެންޓް
Republic of Maldives