މައިކްރޮސޮފްޓް ސާފަސް އިވެންޓް: އޮކްޓޯބަރު 12 ގައި

މައިކްރޮސޮފްޓް ސާފާސް އިވެންޓަށް ތާރީހައް ކަނޑައަޅައިފި އެވެ. މައިކްރޮސޮފްޓްއިން ދެން ބާއްވާ ސާފަސް އިވެންޓް އޮންނަ ތާރީޚަކީ އޮކްޓޯބަރު 12 އެވެ.

މައިކްރޮސޮފްޓް ސާފަސް އޮންނަ ދުވަސް ހަމަޖެހުމާއެކު މައިކްރޮސޮފްޓް ވެބްސައިޓްގައި ވަނީ މިކަން އިއުލާން ކުރުމަށް ބެނާ ދަމާފަ އެވެ.

މި އިވެންޓް އިއުލާން ކުރުމަށް މައިކްރޮސޮފްޓް ވެބްސައިޓްގައި ދަމާފައި ހުރި ބެނާ -- ޕޯސްޓަރުން ފެންނަނީ ރީތި ކުލަތަކެކެވެ. އެއީ މައިކްރޮސޮފްޓް ވިންޑޯޒް 11 އަށް ހާއްސަ ވޯލްޕޭޕަރެކެވެ. ވިންޑޯޒް 11 ބްލޫން ވޯލްޕޭޕަރު ސާފަސް އިންވެންޓް އިއުލާން ކުރަން ބޭނުން ކުރުމުގެ ބޭނުމެއް ކަމަށް އިންޑަސްޓްރީގައި ބުނެވެނީ ސާވަސް ޓެބްލެޓް މި ކުލަތަކުން ނެރޭނެ ކަމެވެ.

މައިކްރޮސޮފްޓް ސާފަސް ޕްރޯ ނެރޭ ތާރީޚެއް ކަމަށް ބުނެވެނީ އޮކްޓޯބަރު 26، 2022 އެވެ. ވިންޑޯޒް 11 އިން ވޯލްޕޭޕަރު ބޭނުންކޮށް ސާފަސް ޓެބްލެޓާ ގުޅުވާލުމުގައި އޮތް އަނެއް ބޭނުނަކީ ވިންޑޯޒް 11 އަށް ފިޓްވާ ޓެބްލެޓެއްކަން ދައްކާލުން ކަމަށް ވެސް ބުނެވެ އެވެ.

މައިކްރޮސޮފްޓް ސާފަސް ޕްރޯ އަކީ ޓެބްލެޓް ސިނާއަތުގައި ބާރުގަދަ ޓެބްލެޓެކެވެ. ބައެއް ރިވިއުތައް ބުނާ ގޮތުން އެޕަލް އައިޕެޑާއި ސާފަސް ޕްރޯ މާކެޓްގައި ކުޅެނީ ދެ އަމާޒަކަށެވެ. އެހެންކަމުން، ވަކި ބަޔަކު ސަފަސްގެ ފަހަތުން ދުވާއިރު އައިޕެޑަށް ލޯބިކުރާ މީހުން ވެސް ވަކި މަދެއް ނޫނެވެ.

އޮކްޓޯބަރު 12 އިގެ ހަފުލާގައި ސާފަސް 9 ޕްރޯ ތައާރުފު ކުރާނެ ކަމަށް ބެލެވެ އެވެ. ސާފަސް 9 ގައި ހުރި މޮޅުކަމާއި ބޭނުންތެރިކަން ހާމަކުރާނެ އެވެ. އަދި ވިންޑޯޒް އިންޖީނާއި ޕްރޮސެސާތަކާ ބެހޭ ގޮތުން ވެސް މައުލޫމާތު ދޭނެ އެވެ.

ސާފަސް ސާފަސް އިވެންޓާ ގުޅިގެން ކަހަލަ ގޮތަކަށް "މައިކްރޮސޮފްޓް އިގްނައިޓް" ކޮންފަރެންސް ވެސް އޮކްޓޯބަރު 12 ގައި އޮންނާނެ އެވެ.

ބެލެވޭ ގޮތުގައި މި ދެ އިވެންޓް ވެސް ލައިވް ސްޓްރީމް ކުރާނެ އެވެ. މައިކްރޮސޮފްޓް ވެބްސައިޓުން ތަފުސީލު ވަރަށް އަވަހަށް އާންމު ކުރާނެ އެވެ.