އީދު ނަމާދު ކުރާ ގަޑި އަވަސް ކުރަން މަަޝްވަރާ ކުރަނީ
ރާއްޖޭގައި އީދު ނަމާދު ކުރަނީ ހެނދުނު 7:30 ގައެވެ. މިނިސްޓަރު ޝަހީމް މިއަދު ވިދާޅުވީ އީދުގެ ޖަމާއަތް ފެށޭ ގަޑި އަވަސް ކުރުމާމެދު މަޝްވަރާ ކުރަމުންދާ ކަމަށެވެ.
އީދު ނަމާދު ކުރާ ގަޑި އަވަސް ކުރަން މަަޝްވަރާ ކުރަމުންދާ ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު މިއަދު ވިދާޅުވެއްޖެ އެވެ.
ރާއްޖޭގައި އީދު ނަމާދު ކުރަނީ ހެނދުނު 7:30 ގައެވެ. މިނިސްޓަރު ޝަހީމް މިއަދު ވިދާޅުވީ އީދުގެ ޖަމާއަތް ފެށޭ ގަޑި އަވަސް ކުރުމާމެދު މަޝްވަރާ ކުރަމުންދާ ކަމަށެވެ.
"އީދު ނަމާދު ޖަމާއަތް ފެށޭ ގަޑި އަވަސްކުރުމާ މެދު މި ދަނީ މަޝްވަރާކުރަމުން،" މިނިސްޓަރު ޝަހީމް ކުރެއްވި ޕޯސްޓެއް ގައި ވިދާޅުވި އެވެ.
މިނިސްޓަރު މިފަދަ ޕޯސްޓެއް ކުރެއްވިިއިރު ރާއްޖޭގައި އީދު ނަމާދު ކުރާ ގަޑި އަވަސް ކުރަން ޖެހޭ ކަމަށް ބައެއް އިލްމުވެރީން ވިދާޅުވާތާ އަހަރުތަކެއް ވެއްޖެ އެވެ. އީދު ނަމާދު ވަގުތަކީ ޟުހާ ވަގުތެކެވެ. އިރު ބޮންތިއަކަށް އެރުމުން ޟުހާ ވަގުތު ފެށެ އެވެ.
އިސްލާމީ ބައެއް ގައުމުތަކު ގައި އިރުއަރާ ގިނަ އިރުތަކެއް ނުވެ އީދު ނަމާދު ކުރެ އެވެ. މައްކާ އަދި މަދީނާ ގައި އީދު ނަމާދު ކުރަނީ އިރުއަރާ އިރުކޮޅެއްގެ ފަހުން އީދުގެ ޖަމާއަތް ފަށަ އެވެ.
އީދު ނަމާދު ކުރާ ގަޑި އަވަސް ކުރަން މަަޝްވަރާ ކުރަމުންދާ ކަމަށް މިނިސްޓަރު ޝަހީމް ވިދާޅުވިއިރު ރާއްޖޭގައި ބޮޑު ޖަމާއަތުގައި ހުސް މައިދާންތަކުގައި ސުންނަތާ އެއްގޮތަށް އީދު ނަމާދު ކުރަން ފެށީ ޝަހީމްގެ މިނިސްޓަރު ކަމުގައި ރައީސް މުހައްމަދު ވަހީދުގެ ވެރިކަމުގައެވެ.
ކޮމެންޓް
Republic of Maldives