މަހްލޫފްގެ ކޮއްކޮ ކުއްލި ގޮތަކަށް ނިޔާވެއްޖެ
އަންނަ އަކީ މަޖީދިއްޔާ ސުކޫލުގެ ސްޕޯޓްސް ސުޕަވައިޒަރުގެ މަގާމުގައި ވަރަށް ގިނަ ދުވަހު މަސައްކަތް ކުރެއްވި ބޭފުޅެކެވެ.
ކުރީގެ ޔޫތު މިނިސްޓަރު / ޒުވާން ސިޔާސީ ލީޑަރު އަހްމަދު މަހްލޫފްގެ ކޮއްކޮ، އިބްރާހިމް އަހުނަސް (އަންނަ) ކުއްލި ގޮތަކަށް ނިޔާވެއްޖެ އެވެ.
އުމުރުން 36 އަހަރު ގައި އަންނަ ނިޔާވީ ކުއްލި ގޮތަކަށް ކަމަށް ކުރީގެ މިނިސްޓަރު މަހްލޫފް ވިދާޅުވި އެވެ.
އަންނަ އަކީ މަޖީދިއްޔާ ސުކޫލުގެ ސްޕޯޓްސް ސުޕަވައިޒަރުގެ މަގާމުގައި ވަރަށް ގިނަ ދުވަހު މަސައްކަތް ކުރެއްވި ބޭފުޅެކެވެ. އެ މަގާމުގައި ހުންނަވާ އަންނަގެ ލީޑާޝިޕް ގައި ކުޅިވަރުން މަޖީދިއްޔާއަށް ވަނީ ބޮޑެތި ކާމިޔާބީތަކެއް ހޯދާފައެވެ. އެ މަގާމުން ވަކިވީ ދާދި ފަހުންނެވެ.
އަންނަގެ ޖަނާޒާ އޮންނާނީ މިރޭ އިޝާ ނަމާދަށް ފަހު އެވެ. މަހްލޫފް ވަނީ ކޮއްކޮގެ ޖަނާޒާ ގައި ވީހާ ވެސް ގިނަ ބަޔަކު ބައިވެރިވެ ދިނުމަށް އެދިވަޑައިގެންފައެވެ.
ކޮމެންޓް
Republic of Maldives