ގައުމީ އެއާލައިން ސިންގަޕޫރު އެއާޝޯގަ، ބޯޓު ގެންނަން ސޮއިކޮށްފި
މޯލްޑިވިއަން އިން ވަނީ ސިންގަޕޫރު އެއާޝޯވްގައި އޭޓީއާރު ކުންފުންޏާއެކު ބޯޓު ހޯދަން ސޮއިކޮށްފަ އެވެ. މި ބޯޓުތައް މިއަހަރުގެ ފަހުކޮޅު ރާއްޖެ އަންނާނެ އެވެ.
ސިންގަޕޫރުގައި މިހާރު ކުރިއަށްދާ ދުނިޔޭގެ ވައިގެ ދަތުރުފަރުގެ އެންމެ ބޮޑު ޝޯ "ސިންގަޕޫރު އެއާޝޯ" އަށް ގޮސް އެ ކުންފުނިން ގެންނަ ދެ ބޯޓު ބަލައިފި އެވެ.
ގައުމީ އެއާލައިން އައިލެންޑް އޭވިއޭޝަން ޕްރައިވެޓް ލިމިޓެޑް (އައިއޭއެސް) އާއި ޓްރާންސްޕޯޓް މިނިސްޓަރު މުހައްމަދު އަމީން ސިންގަޕޫރުގެ އެއާޝޯވް އަށް ވަޑައިގެން ވަނީ އޭޓީއާރު ކުންފުންޏާއެކު މޯލްޑިވިއަން އިން ގެންނަ ދެ ބޯޓުގެ އެއްބަސްވުމުގައި ސޮއިކޮށްފަ އެވެ.
މޯލްޑިވިއަން އިން ބުނެފައިވާ ގޮތުގައި އޭޓީއާރު 42-600 މަރުކާގެ ދެ ބޯޓު އެ ކުންފުންޏަށް ހޯދަން ވަނީ އޯޑަރު ޕްލޭސްކޮށްފަ އެވެ. އަދި މި ބޯޓުތައް މި އަހަރުގެ ފަހުކޮޅު ރާއްޖެއަށް ލިބޭނެ އެވެ. މީގެ އިތުރުން އަންނަ އަހަރުގެ ނިޔަލަށް އޭޓީއާރު ބޯޓު ފަހަރުގެ އަދަދު ހަތަކަށް އިތުރު ކުރާނެ ކަމަށް އެ ކުންފުނިން ބުނެފައިވެ އެވެ.
މި ކުންފުނީގައި މިހާރު އޮންނަނީ ދެ އޭޓީއާރު 72-600 އާއި އެއް އޭޓީއާރު 42-600 މަތިދާ ބޯޓެކެވެ.
ގައުމީ އެއާލައިން ފުޅާކޮށް ވަރުގަދަ ކުރުމުގެ މަސައްކަތްތަކެއް ސަރުކާރުން ވަނީ ފަށާފަ އެވެ. މިގޮތުން ވައިޑް ބޮޑީ ދެ އެއާ ކްރާފްޓް ގެނައުމުގެ މަސައްކަތް ތަކެއް ވެސް ދަނީ ކުރަމުންނެވެ. މި ބޯޓުތަކާއެކު ޗައިނާގެ ހަތް މަންޒިލަކާއި ޔޫރަޕަށް ގައުމީ އެއާލައިން ފުޅާ ވެގެންދާނެ އެވެ.
ކޮމެންޓް
Republic of Maldives