ދޯންޏެއް ފަރަށް އަރާ ބިނދިއްޖެ، ދެ މީހަކަށް އަނިޔާ
ގާފަރުން މައުލޫމާތު ދިން މީހުން ބުނާ ގޮތުން "ހުދަންބަރު" ދޯނި ފަރަށް އަރާ ލިބުނު ގެއްލުމާއެކު ދޯނި ދެ ބިންދައިގެން ގޮސް ދެ ބުރި ވެފައި ވެއެވެ. މި ހާދިސާގައި ދެ މީހަކަށް އަނިޔާވެފައި ވެސް ވެއެވެ.
ކ. ގާފަރު ދޯންޏެއް ފަރަށް އަރައި ބިނދިއްޖެ އެވެ. ހާދިސާގައި ދެ މީހަކަށް އަނިޔާވެސް ވެފައި ވެއެވެ.
ގާފަރު "ހުދަންބަރު" ދޯނި އަރާފައި ވަނީ ފ. ހިމިތި ކަނޑުގެ ދެކުނުފަރާތު ކަންމަތީ ފަރަކަށެވެ. ގާފަރުން މައުލޫމާތު ދިން މީހުން ބުނީ އެ ރަށުގެ "ހުދަންބަރު" ފަރަށް އަރާ ލިބުނު ގެއްލުމާއެކު ދޯނި ދެ ބިންދައިގެން ގޮސް ދެ ބުރި ވެފައިވާ ކަމަށެވެ. މި ހާދިސާގައި ދެ މީހަކަށް އަނިޔާވި ކަމަށްވެސް ބުންޏެވެ.
ހާދިސާ ހިނގިއިރު ދޯނީގައި 12 ދިވެހީން ތިއްބެވެ. ދޯނި ފަހަރަށް އެރިއިރު 10 ވަރަކަށް ޓަނު މަސް އޭގައި ހުއްޓެވެ. މި ހާދިސާގައި ދެ މީހަކަށް އަނިޔާވި ކަމަށް ރަށުން ބުނި ނަމަވެސް އެއްވެސް މީހަކަށް ގެއްލުމެއް ލިބިފައެއް ނުވާ ކަމަށް އެމްއެންޑީއެފުން ބުންޏެވެ.
މި ހާދިސާއާ ގުޅިގެން ސިފައިންގެ އިން ބުނީ މަސްވެރިކަން ކުރަމުންދިޔަ ކ. ގާފަރު ދޯނި. "ހުދަންބަރު-12" ހިމިތި ކަނޑުގެ ދެކުނުފަރާތު ކަންމަތީ ފަރަކަށް އެރި މައުލޫމާތު އެމްއެންޑީއެފް ސެންޓަރަލް އޭރިއާ ކޮމާންޑް ކޯސްޓްގާޑަށް މިއަދު ހެނދުނު 6:30 ހާއިރު ލިބުނު ކަމަށާއި އެމްއެންޑީއެފް ސެންޓްރަލް އޭރިއާ ކޮމާންޑް ތާޑް ސްކޮޑްރަންގެ ސިފައިން އެ ސަރަހައްދުގައި މިހާރު ވެސް ހަރަކާތްތެރިވަމުންދާ ކަމަށެވެ.
ކޮމެންޓް
Republic of Maldives