މިފަހަރު މެރިން އެކްސްޕޯގައި އަލްޝާލީ ދައްކާލަނީ ތަފާތު އުޅަނދެއް

އަލްޝާލީ މެރިން މޯލްޑިވްސް (އޭސްމެރިން) އަކީ ރާއްޖޭގެ ކަނޑު ދަތުރުފަތުރުގައި އާނަމެއް ނޫނެވެ. އެންމެން ދަންނަ ފަރިތަ ނަމެކެވެ. މިނަން ހާއްސަވާ އެއް ސަބަބަކީ މި ކުންފުނީގެ ކޮލިޓީ ފުރިހަމަ ހިދުމަތެވެ. މި ކުންފުނިން ބުރާސްފަތި ދުވަހު ފަށާ މޯލްޑިވްސް މެރިން އެކްސްޕޯގައި މި އަހަރު ވެސް ތަފާތު އުޅަނދެއް ދައްކާލާނެ އެވެ. 

ބުރާސްފަތި ދުވަހު ހުޅުމާލޭގައި ފަށާ މެރިން އެކްސްޕޯގައި އަލްޝާލީ މެރިންއިން ދައްކާލާ އުޅަނދުގެ ހާއްސަ ކަމަކީ މިއީ ރާއްޖެ އަށް ހާއްސަ އުޅަނދަކަށްވުމެވެ. މި އަހަރުގެ މެރިން އެކްސްޕޯގެ އޮފިޝަލް ބޯޓު ބިލްޑަރު އަލްޝާލީ މެރިން އިން ނެރޭ  މި އުޅަނދަކީ އެންމެ މަތީ ފަންތީގެ ލަގްޒަރީ ޓޫރިސްޓު ރިސޯޓްތަކުން ފެށިގެން ގެސްޓްހައުސް ފަދަ ކުދި މެދުފަންތީގެ ވިޔަފާރި އަށް ވެސް މި އުޅަނދުގެ ބޭނުން ބޮޑުވާނެ އެވެ. އުޅަނދު ފަރުމާކޮށްފައިވަނީ މިކަމަށް ބަލައިގެންނެވެ. 

އަލްޝާލީގެ ޖެނެރަލް މެނޭޖަރު އިސްލާއިލް ޝަރީފު ވިދާޅުވި ގޮތުގައި މި އުޅަނދުގައި ހުރި ހާއްސަ ސިފަތައް މި ފެއާއަށްދާ މީހުންނަށް ފެނިގެންދާނެ އެވެ. "މިއީ އެންމެ ލަގްޒަރީ މާކެޓަށްވެސް ބޭނުން ހިފޭނެ އުޅަނދެއް،" ޝަރީފު ވިދާޅުވި އެވެ. 

އަލްޝާލީ މެރިންއަކީ ރާއްޖޭގެ ގައުމީ ދަތުރުފަތުރުގެ ނިޒާމް އާރުޓީއެލް ވިއުގައިގެ އުޅަނދުތައް ބަންނަ ކުންފުންޏެވެ. މި އުޅަނދުތައް ކޮންމެ މަހަކު އެއްފަހަރުހެން ބަނދެއް ދަނީ ސަރުކާރަށް ހަވާލު ކުރަމުންނެވެ. މި ކުންފުނިން ބަނދެފައިވާ އުޅަނދުތަކާއެކު އާރުޓީއެލް ވިއުގައިގެ މުހިންމު ރަށްތަކެއްގައި ވަނީ ދަތުރު ފަށާފަ އެވެ. މީގެ އިތުރުން އެ ކުންފުނިން މީގެ ކުރިން ވަނީ ދެ ކަނދުގެ މައްޗަށް އޮންނަ ގޮތަށް ފަރުމާކޮށްފައިވާ އުޅަނދެއް ވެސް މާކެޓަށް ނެރެފަ އެވެ. 

އަލްޝާލީ މެރިން އަށް މީގެ ކުރިން ވަނީ ގިނަ ވަނަތަކެއްވެސް ލިބިފަ އެވެ. އެންމެފަހުން ބޭއްވި ބޯޓިން އެވޯޑުގެ ކުލަގަދަ ރަސްމިއްޔާތެއްގައި ރާއްޖޭގެ އަލްޝާލީ އަށް ލިބިފައިވަނީ ބެސްޓް ލިވަ ބޯޑް އޯ ޔޮޓް ބިލްޑާސް ކުންފުންޏަށް ދޭ އެވޯޑާއި ބެސްޓް ޕްރޮޑަކްޝަން ފައިބަ ވެސަލް (14-15 މީޓަރުގެ އުޅަނދު ފަހަރަށް ދޭ އެވޯޑެވެ. މި އެވޯޑުތަކުގެ ތެރޭން ބެސްޓް ޕްރޮޑަކްޝަން ފައިބަ ވެސަލް އަށް ދިން އެވޯޑު ލިބިފައިވަނީ އަލްޝާލީގެ އައިލެންޑް ހޮޕާ 50 އުޅަނދަށެވެ. އަދި ބެސްޓް ޔޮޓް ބިލްޑާސް އެވޯޑް އައިލެންޑް ހޮޕާ 50 އަށް، ބެސްޓް ޕްރޮޑަކްޝަން ވެސަލްގެ އެވޯޑުވެސް ލިބިފައިވެ އެވެ.