"ވާނުވާ" ބަންދު ނިމުމަކަށް ގެނައުމުގެ މަސައްކަތް މި މަހު ފަށަނީ
"ތަހުގީގަށް ހައްޔަރު ކޮށްފައި 'ވާނުވާ' ގައި ބޭތިއްބުން ނިމުމަކަށް ގެނައުމުގެ މަސައްކަތް މި މަހު ފަށާނަން. އަދި ރައްޔިތުންގެ މަޖިލީހުގެ މި ފެށޭ ދައުރު ތެރޭ ގައި ގާނޫނަށް އިސްލާހް ހުށަހަޅާނަން،"
ތަހުގީގަށް ހައްޔަރުކޮށްފައި "ވާނުވާ" ބަންދު ގައި ބޭތިއްބުން ނިމުމަކަށް ގެނައުމުގެ މަސައްކަތް މި މަހު ފަައްޓަވާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
"ވާނުވާ" ބަންދު ނިމުމަކަަށް ގެނައުމަކީ ރައީސް މުއިއްޒުގެ ރިޔާސީ ވައުދެކެވެ.
މަޖިލީހުގައި ރިޔާސީ ބަޔާން އިއްވަމުން ރައީސް މިއަދު ވިދާޅުވީ ގާނޫނުތައް އެކަށައެޅުމުގައި ސަރުކާރުގެ އެންމެ ބޮޑު އެއް ސިޔާސަތަކީ ކުށް މަދުކުރުން ކަމަށެވެ. އަދި ކުށްކުރާ މީހުންނަށް ރަނގަޅު މަގު ދައްކައިދީ އަލުން މުޖްތަމަައަށް ގެނައުން ކަމަށެވެ.
ޖަލަށް ލެވޭ، އަދަބު ދެވޭ ނިސްބަތް މަދުކުރުން ކަމަށެވެ. މީގެ އިތުރުން ޖަލުތައް ހިންގައި ބެލެހެއްޓުމުގެ ނިޒާމު ޒަމާނީކޮށް އެއީ އޯގާވެރިކަމާއެކު އިސްލާހު ކުރަން މަސައްކަތްކުރާ ތަންތަނަށް ހެދުން ކަމަށް ވެސް ރައީސް ވިދާޅުވި އެވެ.
މީގެ އިތުރުން އެކިއެކި ކުށްތަކުގެ ތަހުގީގު ގައި "ވާނުވާ" ގައި ވަކި މުއްދަތެއްނެތި ބަންދުކޮށްފައި ތިބުން ނިމުމަކަށް ގެނައުން އެއީ ރިޔާސީ އިންތިހާބުގައި އެމަނިކުފާނު ވެވަޑައިގެންނެވި ވައުދެއް ކަން ފާހަގަ ކުރައްވާ ރައީސް ވިދާޅުވީ އެ މަސައްކަތް މި މަހު ފައްޓަވާނެ ކަމަށެވެ.
"ތަހުގީގަށް ހައްޔަރު ކޮށްފައި 'ވާނުވާ' ގައި ބޭތިއްބުން ނިމުމަކަށް ގެނައުމުގެ މަސައްކަތް މި މަހު ފަށާނަން. އަދި ރައްޔިތުންގެ މަޖިލީހުގެ މި ފެށޭ ދައުރު ތެރޭ ގައި ގާނޫނަށް އިސްލާހް ހުށަހަޅާނަން،" ރައީސް ވިދާޅުވި އެވެ.
ކޮމެންޓް
Republic of Maldives