މެރިން އެކްސްޕޯ: ކޯސްޕޮންސަރުން އެޗްއާރުސީ، އޮފިޝަލް ބޯޓް ބިލްޑަރު އަލްޝާލީ
މެރިން އެކްސްޕޯ ފެށިގެން އައީ މީގެ އަށް އަހަރު ކުރިންނެވެ. މި ފެއާގައި މެރިން އިންޑަސްޓްރީގައި ހިމެނޭ ބޯޓް ބިލްޑަރުންނާއި ޑޮކިން އަދި ފިޝިން ސެކްޓަރުގެ އިތުރުން ޑައިވިން ސެކްޓަރުގެ އުފެއްދުންތަކާއި ހިދުމަތްތައް ދައްކާލަ އެވެ.
މެރިން އެކްސްޕޯ އަންނަ މަހު އޮންނައިރު މި ފެއާގެ އެއް ކޯސްޕޮންސަރުންގެ ގޮތުގައި ހޮޓެލް އެންޑް ރިސޯޓްސް ކޮންސްޓްރަކްޝަން (އެޗްއާރުސީ) ހަމަޖައްސައި އޮފިޝަލް ބޯޓު ބިލްޑަރަކަށް އަލްޝާލީ މެރިން ހަމަޖައްސައިފި އެވެ.
މެއިން ސްޕޮންސަރަކަށް ގަލްފް ކްރާފްޓް ހަމަޖައްސާފައިވާ ގައުމީ ބޯޓިން ޖަމިއްޔާގެ މައި ފެއާ މޯލްޑިވްސް މެރިން އެކްސްޕޯ 2024 ގެ ސްޕޮންސަރުންނާއެކު އެއްބަސްވުމުގައި ސޮއި ކުރުމުގެ ރަސްމިއްޔާތު އޮތީ މާގިރި ހޮޓެލްގަ އެވެ. މި ރަސްމިއްޔާތުގައި މި އަހަރުގެ ފެއާގެ ހުރިހާ ޕާޓްނަރުންނާއި ސްޕޮންސަރުންނާއެކު ވަނީ އެއްބަސްވުންތައް ހަދާފަ އެވެ.
މީޑިއަމް އިވެންޓްސް ކުންފުނިން އިވެންޓު އިންތިޒާމު ކުރާ މޯލްޑިވްސް މެރިން އެކްސްޕޯގެ ކޯސްޕޮންސަރު އެޗްއާރުސީގެ ފަރާތުން އެއްބަސްވުމުގައި ސޮއި ކުރެއްވީ އެ ކުންފުނީގެ ޗެއާމަން އަދި މަޝްހޫރު ވިޔަފާރިވެރިޔާ މުހައްމަދު އަލީ ޖަނާހުގެ ދަރިކަލުން ޖައިސަމް ޖަނާހެވެ. އޭނާއަކީ އެ ކުންފުނީގެ ޗީފް ސްޓްރެޓެޖިސްޓެވެ.
މި ފެއާގެ އޮފިޝަލް ބޯޓު ބިލްޑަރުގެ ޕާޓްނަރުކަމުގެ އެއްބަސްވުމުގައި އަލްޝާލީ މެރިން މޯލްޑިވްސްގެ ފަރާތުން ސޮއި ކުރެއްވީ އެ ކުންފުނީގެ އެސިސްޓެންޓް މެނޭޖަރ މޫމިން ރަޝީދު އެވެ.
މެރިން އެކްސްޕޯ ފެއާއާ ބެހޭ ގޮތުން ވާހަކަ ދައްކަވަމުން ފެއާ އިންތިޒާމު ކުރާ ކުންފުނި މީޑިއަމް އިވެންޓްސްގެ އެ ކުންފުނީގެ ޑިރެކްޓަރު ޝާމް މުހައްމަދު ވިދާޅުވީ މި އަހަރުގެ ފެއާގައި ވެސް ތަފާތުތަކެއް ހުންނާނެ ކަމަށާ މި ފެއާއަށް ދިއުމުން އެކަންކަން ފެނިގެންދާނެ ކަމަށެވެ.
"ތަފާތު އާ ޕްރޮޑަކްޓްސްތައް ލޯންޗް ކުރުންވެސް އޮންނާނެ. އެހެންވެ ހުރިހާ ފަރާތްތަކަށް ދައުވަތުދެން،" ޝާމް ވިދާޅުވި އެވެ.
ކޮމެންޓް
Republic of Maldives