މައިނޯރިޓީ ޕާޓީއަކީ ކޮންގްރެސް، މައިނޯރިޓީ ލީޑަރަކީ ސިރާޖް
އެމްޑީޕީ މެމްބަރުންތަކެއް ކޮންގްރެސް އަށް ސޮއިކޮށްފައި ވަނީ މިދިޔަ މަހުގެ 28 ވަނަ ދުވަހު ބޭއްވި އެ ޕާޓީގެ ޖަލްސާއެއްގަ އެވެ. އޭރު މަޖިލީސް އޮތީ ޗުއްޓީގަ އެވެ.
ރައްޔިތުންގެ މަޖިލީހުގެ މައިނޯރިޓީ ޕާޓީއަކީ ސަރުކާރު ހިންގާ ޕާޓީ ޕީޕަލްސް ނޭޝަނަލް ކޮންގްރެސް / ކޮންގްރެސް ޕާޓީ (ޕީއެންސީ) ކަމަށް މިއަދު އިއުލާނު ކޮށްފި އެވެ.
މަޖިލީހުގެ މައިނޯރިޓީ ޕާޓީއަކީ ދެވަނައަށް އެންމެ ގިނަ މެމްބަރުން ތިބޭ ޕާޓީ އެވެ. މީގެ ކުރިން މައިނޯރިޓީ ޕާޓީގެ ގޮތުގައި އޮތީ ދަ ޑިމޮކްރެޓްސް އެވެ. ނަމަވެސް، އެމްޑީޕީއަށް ނިސްބަތްވާ 13 މެމްބަރަކު ކޮންގްރެސްއާ ގުޅިވަޑައިގަތުމާއެކު ދެވަނައަށް އެންމެ ގިނަ މެންބަރުން މިހާރު ތިބީ ކޮންގްރެސް ޕާޓީގަ އެވެ. އެއީ 14 މެމްބަރުންނެވެ.
އެއާއެކު މަޖިލީހުގެ މައިނޯރިޓީ ލީޑަރަކީ، ކޮންގްރެސް ޕާޓީގެ ޕާލިމެންޓްރީ ގްރޫޕްގެ ލީޑަރު، ފޮނަދޫ ދާއިރާގެ މެމްބަރު މޫސާ ސިރާޖެވެ. މިކަން އިއުލާނު ކޮށްފައި ވަނީ މިއަދު ދައުރުން ބޭރުން ބޭއްވި މަޖިލީސް ޖަލްސާގަ އެވެ.
ކޮންގްރެސް ޕާޓީއަށް އެމްޑީޕީގެ ގިނަ މެމްބަރުންތަކެއް ސޮއި ކުރުމާއެކު އެ ޕާޓީގެ ސުޕަ މެޖޯރިޓީ އޮތީ ގެއްލިފަ އެވެ. އެގޮތުން މިހާރު ތިބީ؛
- އެމްޑީޕީ: 44 މެމްބަރުން
- ކޮންގްރެސް ޕާޓީ: 14 މެމްބަރުން
- ދަ ޑިމޮކްރެޓްސް: 13 މެމްބަރުން
- ޕީޕީއެމް: 2 މެމްބަރުން
- އެމްޑީއޭ: 2 މެމްބަރުން
- ޖުމްހޫރީ ޕާޓީ: ދެ މެމްބަރުން
- އަމިއްލަ ގޮތުން: 3 މެމްބަރުން
އެމްޑީޕީ މެމްބަރުންތަކެއް ކޮންގްރެސް އަށް ސޮއިކޮށްފައި ވަނީ މިދިޔަ މަހުގެ 28 ވަނަ ދުވަހު ބޭއްވި އެ ޕާޓީގެ ޖަލްސާއެއްގަ އެވެ. އޭރު މަޖިލީސް އޮތީ ޗުއްޓީގަ އެވެ. މިއަދު ދައުރުން ބޭރުން ޖަލްސާއެއް ބާއްވާފައި ވަނީ މި ސަރުކާރުގެ ވަޒީރުންނަށް ރުހުން ދިނުމުގެ މުހިންމު މަސައްކަތްތަކެއް ހުރުމުންނެވެ.
ކޮމެންޓް
Republic of Maldives