ރޯދައަށް ފަހު ޒަމާނީ މާރުކޭޓު އެޅުމުގެ މަސައްކަތް ފަށަނީ
ޕާކިން ހާއްސަ ކޮށްފައި ވަނީ ބިމު އަޑީގަ އެވެ. ގްރަންޑް ފްލޯ ގައި އެންމެ ޒަމާނީ މަސް މާރުކޭޓެކެވެ. އަދި ފުރަތަމަ ދެ ފްލޯ ހާއްސަ ކުރާނީ ކާބޯތަކެތި ވިއްކުމަށެވެ.
ރޯދަ މަސް ނިމުމާ އެކު އާ މަސްމާރުކޭޓް އިމާރާތް ކުރުމުގެ މަސައްކަތް ފެށޭނެ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިރޭ އިއުލާނު ކުރައްވައިފި އެވެ.
އާ މަސް މާރުކޭޓް އެޅުމަކީ ރައީސް މުއިއްޒު، މާލެ ސިޓީގެ މޭޔަރަކަށް ހުންނަވާ ކުރައްވަން ޕްލޭން ކުރެއްވި މަސައްކަތްޕުޅެކެވެ. ނަމަވެސް ސަރުކާރުގެ އެއްބާރުލުން ނުލިބި އެ މަސައްކަތް އޭރު ކުރެވޭ ގޮތް ނުވީ އެވެ.
މާލެ ސިޓީގެ އާ މޭޔަރާއި ތިން ދާއިރާއަކަށް އިންތިހާބުވި ކައުންސިލަރުން ހުވާ ކުރުމަށް މިރޭ ބޭއްވި ޖަލްސާ ގައި ވާހަކަފުޅު ދައްކަވަމުން ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިރޭ ވިދާޅުވީ ކުރީން އޮތް ހުރަސް ނެތި އާ މާރުކޭޓް އެޅުމުގެ މަސައްކަތް މިހާރު ފެށުމަށް ތައްޔާރު ވެފައިވާ ކަމަށެވެ.
"އިރާދަކުރެއްވިއްޔާ ރޯދަ މަސް ނިމޭ ތަނުން އަމަލީ ގޮތުން -- ލޯކަލް މާރުކޭޓް ހުރި ސަރަހައްދު ގައި އެ އިމާރާތް އެޅުމުގެ މަސައްކަތް ފެށޭނެ ކަމަށް،"
މިއީ ހަތަރު ބުރިއަށް އިމާރާތް ކުރާ އެންމެ ޒަމާނީ އިމާރާތެއް ކަމަށް ރައީސް ވިދާޅުވި އެވެ. ޕާކިން ހާއްސަ ކޮށްފައި ވަނީ ބިމު އަޑީގަ އެވެ. ގްރަންޑް ފްލޯ ގައި އެންމެ ޒަމާނީ މަސް މާރުކޭޓެކެވެ. އަދި ފުރަތަމަ ދެ ފްލޯ ހާއްސަ ކުރާނީ ކާބޯތަކެތި ވިއްކުމަށެވެ.
މަތީ ބައިގައި ކެއިން ބުއިމުގެ ހިދުމަތްތަކާ އެކު އެހެން ވިޔަފާރިތަކަށް ފުރުސަތު އޮންނާނެ ކަމަށް ރައީސް ވިދާޅުވި އެވެ.
ކޮމެންޓް
Republic of Maldives