އައްޑޫ ބުރިޖަށް މިސްރުގެ އެންމެ ބޮޑު ކުންފުނިން ޝައުގުވެރިވެއްޖެ
މި ބްރިޖުގެ މަސައްކަތް ކުރަން ހުށަހަޅާފައިވަނީ މިސްރުގެ ދަ އެރެބްކޮންޓްރެކްޓާސް ކުންފުނިންނެވެ.
އައްޑޫ ހުޅުދޫ އާއި މީދޫ ގުޅުވައިލަން ބްރިޖު އަޅަން މިސްރުގެ އެންމެ ބޮޑު ކުންފުނިން ޝައުގުވެރިވެއްޖެ އެވެ.
ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ، އަބްދުﷲ ނާޒިމް އިބްރާހީމް ވިދާޅުވީ އައްޑޫ ބްރިޖުގެ މަސައްކަތަށް ދަ އެރެބްކޮންޓްރެކްޓާސް - އޮސްމާން އެންޑް އަހުމަދު އޮސްމާން އެންޑް ކޯ ކުންފުނިން ޝައުގުވެރިކަން ފާޅުކޮށްފައިވާ ކަމަށެވެ. އަދި އެ ކުންފުނިން މި މަސައްކަތުގެ ސާވޭ ހިލޭ ކޮށްދޭނެ ކަމުގެ އިޝާރާތެއް ދީފައިވާ ކަަމަށެވެ.
އެހެން ކަމުން އެކަމާއި ގުޅޭގޮތުން ކެބިނެޓު ގައި މަޝްވަރާ ކޮށް އެ ކުންފުންޏަށް ސާވޭގެ މަސައްކަތް ހަވާލު ކުުރުމާމެދު ގޮތް ނިންމަން ހަމަޖައްސާފައިވާ ކަމަށެވެ.
ރައީސް ޔާމީންގެ 2018ގެ މެނިފެސްޓޯގައި މީދޫ އާއި ހިތަދޫއާ ދެމެދު ބްރިޖް އެޅުމަށް ނިންމާ އެކަން ހިމަނާފައި އޮތެވެ. 2013 ވަނަ އަހަރުން ފެށިގެން އެ ސިޓީގެ ރައްޔިތުން ދަނީ އެކަމަށް އުންމީދު ކުރަމުންނެވެ. ރައީސް ޔާމީނަށް އިންތިހާބަށް ކުރިމަތި ލެއްވޭ ގޮތް ނުވުމުން ރައީސް މުއިއްޒު ކެންޑިޑޭޓަކަށް ވެވަޑައިގެން ވެސް އެ ވައުދު ވަނީ ތަކުރާރު ކުރައްވާފައެވެ.
ކެމްޕެއިނަށް އައްޑޫއަށް ވަޑައިގެންނެވި ދެ ފަހަރު ވެސް ކެމްޕެއިން ޖަލްސާއަށް އެ ސިޓީގައި ތަން އިންތިޒާމު ކުރީ މީދޫ-ހިތަދޫ ބްރިޖު ސިފަކުރެވޭނެ ގޮތަށެވެ.
ކޮމެންޓް
Republic of Maldives