މާލެއަށް އިއްޔެ 159.3 މިލިމީޓަރުގެ ވާރޭ ވެހުނު

ގަދަ ވިއްސާރައިގައި އިއްޔެ އެންމެ ގިނައިން ވާރޭ ވެހިފައި ވަނީ ވެރިތަށް މާލެއަށެވެ.  

މޫސުމާ ބެހޭ އިދާރާ، މީޓިއޮރޮލޮޖޮކަލް ސާވިސް އިން ބުނި ގޮތުގައި މާލެ ސަރަހައްދަށް ޖުމްލަ 408.1 މިލިމީޓަރުގެ ވާރޭ އިއްޔެ ވެހުނެވެ. އަދި މާލެ މާލެއަށް 159.3 މިލިމީޓަރުގެ ވާރޭ ވެހުނުވެ. ދެން އެންމެ ގިނައިން ވާރޭ ވެހުނީ ވީއައިއޭ އޮންނަ ހުޅުލެއަށެވެ. އެ ރަށަށް 105.4 މިލިމީޓަރުގެ ވާރޭ ވެހުނު އިރު އިންވެގެން އޮތް ހުޅުމާލެއަށް 105.4 މިލިމީޓަރުގެ ވާރޭ ވެހުނެވެ.

އަދި ރާއްޖޭގެ އަތޮޅުތަކުގެ ތެރެއިން އެންމެ ގިނައިން ވާރޭ ވެހިފައިވަނީ މާލެ އަތޮޅު ކާށިދޫއަށާއި އދ. މާމިގިއްޔަށެވެ. ކާށިދޫއަށް 68.3 މިލިމީޓަރުގެ ވާރޭ ވެހުނު އިރު މާމިގިއްޔަށް 62.5 މިލިމީޓަރުގެ ވާރޭ ވެހުނެވެ.

އިއްޔެ މާލެއާއި އެހެން ރަށްރަށަށް ބޯކޮށް ވާރޭ ވެހިފައި ވެއެވެ. ވިއްސާރައިގެ ސަބަބުން މާލޭގައި ފެންބޮޑުވެ ގޭގެއަށް ފެންވަދެ ހިފާ ގެންގުޅޭ ސާމާނަށް ގެއްލުންވެފައި ވެސް ވެއެވެ.