ރެޑްވޭވުން އާ އަހަރު ފެށީ އަގުހެޔޮ ރޯދަ ޕްރޮމޯޝަނާއެކު
މި ޕްރޮމޯޝަންގައި ބޮޑު އިނާމަކީ އެއްލައްކަ ރުފިޔާ އެވެ. އިތުރު 10 އިނާމު، ކޮންމެ ފަރާތަކަށް 10،000ރ. ލިބޭނެ އެވެ. އަދި ހޮވާލެވޭ ކޮންމެ ފަސް ފަރާތަކަށް އަގުހުރި އެތައް އިނާމު ތަކެއް ލިބޭނެ އެވެ.
އާއްމު މުދާ ގަންނަންދާ ކޮންމެ މީހެއްގެ ސިކުނޑި އަށް ވެސް "ރެޑްވޭވް" މިނަން ފުރަތަމަ އަންނަނީ ސަބަބެއް އޮވެގެންނެވެ. އަގުހެޔޮވީމަ އެވެ. އާއްމު ހުރިހާ މުދަލެއް އެއް ފުރާޅެއްގެ ދަށުން ލިބުމެވެ. އާ އަހަރުވެސް އެ ކުންފުނީގެ އަމާޒަކީ އެކަން މިގޮތުގައި ބޭއްވުމެވެ. މިކަމަށް ރެޑްވޭވުން އާ އަހަރު ފެށީ މުދާ އަގުހެޔޮކޮށް ބޮޑެތި އިނާމުތަކާއެކު ބޮޑު ސޭލަކުންނެވެ.
ރެޑްވޭވް ރޯދަ ސޭލް ފަށާފައިވަނީ ރާއްޖޭގެ އެކި ކަންކޮޅުތަކުގައި ތިބި ރެޑްވޭވްގެ ކަސްޓަމަރުންނަށް ވެސް، ސްކޫލު ޗުއްޓީގެ ދުވަސްވަރު، ރޯދަ އަށް ބޭނުންވާ މުދާ ހޯދުމަށް ފަސޭހަކޮށްދިނުމުގެ ގޮތުންނެވެ.
މި ސޭލްގައި ކިތައް ޕަސެންޓުގެ ޑިސްކައުންޓް- މި ޕްރޮމޯޝަންގައި އެކި އެކި އައިޓަމް ތަކުން ފަސް ޕަސެންޓާއި 50 ޕަސެންޓާ ދެމެދު ޑިސްކައުންޓް ލިބޭނެ އެވެ. މި އަހަރުގެ ރޯދަ ޕްރޮމޯޝަން ގައި ރޯދައަށް ހާއްސަ މުޅިންއާ އައިޓަމް ތަކެއްވެސް ތައާރަފު ކޮށްފައި ވެ އެވެ.
މި ޕްރޮމޯޝަންގެ މުއްދަތު ގައި ރެޑްވޭވް އިން ކުރާ ކޮންމެ 500 ރުފިޔާގެ ވިޔަފާރިއަކަށް ކޫޕަނެއް ލިބޭނެއެވެ. ކޮންމެ 500ރ. އެއްގެ ވިޔަފާރި އަށް މި ސޭލްގައި ބައިވެރިވެވޭނެ އެވެ.
ޕްރޮމޯޝަންގެ އިނާމުތައް
- އިނާމު ދޭނީ ނަގުދު ފައިސާއިން
- އެއްވަނަ އިނާމު 100،000ރ.
- އިތުރު 10 އިނާމު، ކޮންމެ ފަރާތަކަށް 10،000ރ.
- ހޮވާލެވޭ ކޮންމެ 5 ފަރާތަކަށް އަގުހުރި އެތައް އިނާމު ތަކެއް
މި ޕްރޮމޯޝަން ކުރިއަށްދާއިރު ސޯޝަލް މީޑިއާގައި ވެސް ވަރަށް ހާއްސަ ޕްރޮމޯޝަން ތަކެއް ހިންގާނެ އެވެ. އަދި ރޯދައަށް ބޭނުންވާ ކާބޯތަކެތީގެ އިތުރުން ފަރުނީޗަރާ ބަދިގެ އަށް ބޭނުންވާ ސާމާނާއި ހިފާގެންގުޅޭ ސާމާނު ނަން ހުސްކޮށް މި ފަހަރުގެ ޕްރޮމޯޝަންގައި ލިބެން ހުންނާނެ އެވެ. އަދި ޕްރޮމޯޝަންގެ ތެރެއިން އިތުރު އައިޓަމްސްތަކުން ޑިސްކައުންޓާއި އޮފާތައް ލިބޭނެ އެވެ. މި ޕްރޮމޯޝަން އޭޕްރިލް 15ގެ ނިޔަލަށް ކުރިއަށް ދާނެ އެވެ.
ކޮމެންޓް
Republic of Maldives