އިތުރު ބިން ހެލުމެއް، ރާއްޖެއަށް އަސަރެއް ނުކުރާނެ

‏މިއަދު ހެދުނު އިންޑޮނޭޝިއާގެ ސުމަތްރާ ކައިރިން ކަނޑުގެ ސަރަހައްދަށް އައި ބިން ހެލުމުގެ ސަބަބުން ރާއްޖެއަށް ބިންހެލުން / ސުނާމީގެ އަސަރު ކުރާނެ ކަމަށް ލަފާ ނުކުރެވޭ ކަމަށް މޫސުމާ ބެހޭ ގައުމީ އިދާރާ އިން ބުނެފި އެވެ.

‏ސުމަތްރާ ކައިރިން ކަނޑުގެ ސަރަހައްދަށް އައި ބިންހެލުން ރެކޯޑް ކުރެވިފައި ވަނީ 5.6 މެގްނިޓިއުޑްގެ ބާރުމިނުގެ ބިން ހެލުމެއްގެ ގޮތުގައެވެ،

މެޓުން ބުނީ ބިންހެލުމާއި ގުޅިގެން ރާއްޖެއަށް ބިންހެލުން /ސުނާމީގެ އަސަރު ކުރާނެ ކަމަށް ލަފާ ނުކުރެވޭ ކަމަށެވެ.

މިދިޔަ ބުދަ ދުވަހު ރާއްޖޭގެ ދެކުނުން 900 އެއްހާ ކިލޯ މީޓަރުގެ ދުރުން ހަތަރު ބިން ހެލުމެއް ވަނީ އައިސްފައެވެ.

އެންމެ ބާރުގަދައީ 5.5 މެގްނިޓިއުޑްގެ ބާރުމިނުގައި އައި ހެލުމެކެވެ.