ފާރެއް ވެއްޓި ދެ މީހަކަށް އަނިޔާވެއްޖެ

ފާރެއް ވެއްޓި ދެ މީހަކަށް އަނިޔާވެއްޖެ އެވެ.

ފާރެއް ވެއްޓި އަނިޔާވެފައި ވަނީ ޅ. ދިއްފުށިމާދޫއަށް ދަތުރުގޮސް އުޅުނު ފިރިހެނަކާއި އަންހެނަކަށެވެ.

އެމްއެންޑީއެފުން ބުނީ އެމީހުން އިތުރު ފަރުވާއަށް ޅ.އަތޮޅު ހޮސްޕިޓަލަށް ގެންދިއުމަށް އެމްއެންޑީއެފް ނޮދަން އޭރިއާ ކޮމާންޑް ކޯސްޓްގާޑް ފަސްޓް ސްކޮޑްރަންއިން އެހީތެރިކަން ފޯރުކޮށްދީފައިވާ ކަމަށެވެ.

މި ހާދިސާގެ ރިޕޯޓް ފަތިހު 05:19 ހާއިރު އެމްއެންޑީއެފް ނޮދަން އޭރިއާ ކޮމާންޑް، ކޯސްޓްގާޑް ފަސްޓް ސްކޮޑްރަންއަށް ލިބުމާއެކު ވަގުތުން ހަރަކާތްތެރިވާން ފައިވާ ކަމަށާ 06:47 ހާއިރު އެ ސަރަހަހައްދަށް ގޮސް، މިއަދު 08:00 ހާއިރު އެ ހާދިސާގައި އަނިޔާލިބުނު އަންހެންމީހާ އާއި ފިރިހެން މީހާ އަވަސް ފަރުވާއަށް ޅ.އަތޮޅު ހޮސްޕިޓަލަށް ގެންގޮސްފައިވާ ކަމަަށެވެ.

އަނިޔާވި އަންހެން މީހާއަކީ 57 އަހަރުގެ މީހެކެވެ. ފިރިހެން މީހާއަށް 27 އަހަރެވެ. ލިބުނު އަނިޔާގެ ތަފްސީލެއް ނޭންގެ އެވެ.