އާ އަހަރު ފާހަގަ ކުރަން މި ފަހަރުވެސް މިއުޒިކު ޝޯ އެއް
އާ އަހަރު ފާހަގަ ކުރަން ބޮޑެތި ޝޯތައް ބާއްވާތާ އަހަރުތަކެއް ވެއްޖެ އެވެ. އެއީ ނުބައި މަގުތަކެއް ހުޅުވައިދޭ / މުންކާރަށް މަގު ފަހި ކުރާ ކަމެއް ކަމުން ކޮންމެ އަހަރަކު ވެސް އެ ހަރަކާތް ނުބޭއްވުމަށް އިލްމުވެރީން ގޮވާލައެވެ.
އާ އަހަރު ފާހަގަ ކުރުމަށް މިއުޒިކް ޝޯ އެއް ހިމެނޭހެން ހާއްސަ ހަރަކާތްތަކެއް ކުރިއަށް ގެންދަން ނިންމައިފި އެވެ.
ޔޫތު މިނިސްޓްރީން މިއަދު ބޭއްވި ނޫސްވެރީންގެ ބައްދަލްވުމެއް ގައި މިނިސްޓަރު އިބްރާހިމް ވަހީދު (އަސްވާޑު) ވިދާޅުވި ގޮތުގައި އާ އަހަރު ފާހަގަ ކުރުމަށް މި ފަހަރު ކުރިއަށް ގެންދާނީ އެކި ހަރަކާތްތައް ހިމެނޭހެން ފެސްޓިވަލެކެވެ. ފެސްޓިވަލް ކުރިއަށް ގެންދަނީ "ދިވެހީންގެ ރާއްޖެ" ނަމުގައެވެ.
އެގޮތުން އެ ފެސްޓިވަލް ގައި ހިމެނިހެން މިއުޒިކް ޝޯ އަކާއި ލޭޒާ ޝޯ އެއް ކުރިއަށް ގެންދަން ނިންމާފައިވާ ކަމަށް ވިދާޅުވި އެވެ.
އޭގެ އިތުރުން ކުޑަކުދީންނާއި އާއިލާތަކަށް ހާއްސަކޮށްގެން ވެސް މި ފެސްޓިވަލްގެ ތެރެއިން ހާއްސަ ހަރަކާތެއް ކުރިއަށް ގެންދާން ވަނީ ނިންމާފައެވެ. އެ ގޮތުން އަހަރުގެ ފަހު ދުވަސް -- ޑިސެންބަރު 31 ވަނަ ދުވަހުގެ ހަވީރު ކުޑަކުދީންގެ ހަވީރެއް ބޭއްވުމަށް ވަނީ ނިންމާފައެވެ.
މިނިސްޓަރު ވިދާޅުވި ގޮތުގައި މިހާރު އޮތީ ދިވެހި ފަންނާނުންނަށް ފުރުސަތު ފަހިކޮށްދީ ހުރިހާ ކަމެއް ގައި ދިވެހި ފަންނާނުންނަށް އިސްކަން ދޭނެ ސަރުކާރެކެވެ.
އެހެން ކަމުން އާ އަހަރުގެ ޝޯ ގައި މުޅީން ވެސް ބައިވެރިވާނީ ދިވެހި ފަންނާނުން ކަމަށް މިނިސްޓަރު ވިދާޅުވި އެވެ.
އާ އަހަރު ފާހަގަ ކުރަން ބޮޑެތި ޝޯތައް ބާއްވާތާ އަހަރުތަކެއް ވެއްޖެ އެވެ. އެއީ ނުބައި މަގުތަކެއް ހުޅުވައިދޭ / މުންކާރަށް މަގު ފަހި ކުރާ ކަމެއް ކަމުން ކޮންމެ އަހަރަކު ވެސް އެ ހަރަކާތް ނުބޭއްވުމަށް އިލްމުވެރީން ގޮވާލައެވެ.
މިހާރު އޮތީ އިދިކޮޅުގައި އޮވެ ކުރީ ސަރުކާރުން މިފަދަ ޝޯތައް ބޭއްވުމުން ވަރަށް ބޮޑަށް ފާޑުކީ ބޭފުޅުން ބައިވެރިވާ ސަރުކާރެކެވެ.
ކޮމެންޓް
މި އާރޓިކަލް އަލީ ރަމީޒަށާއި ޒައިދަށް ވެދުން ކުރަމެވެ. އަދި ދެންތިބި ނަމުގެ ކުރިޔަށް ޝޭއިޚް ޖައްސަވާ ނޫސްތަކުގައި ހުރިހާ ކަމަކާ ބެހި ލިޔާ ދީން "ދަންނަ" އެންމެނަށްވެސް އެވެ.
Republic of Maldives