ބަރެސްދޫ ބަލަހައްޓާނެ ބަޔަކު ހޯދަނީ
މި ރަށަކީ ބޮޑު ރީތި ރަށެކެވެ. ނަމަވެސް މި ރަށް އެންމެ ރަނގަޅު ގޮތަކަށް މިހާތަނަށް ބޭނުން ކުރެވިފައެއް ނެތެވެ. އަދި ރަށް އޮތީ ވީރާނާވެ ހަލާކުވާ ހާލަތުގަ އެވެ.
ލާމުގައި އިންޓަގްރޭޑެޓް ޓޫރިޒަމް ޕްރޮޖެކްޓެއް ހިންގަން ރައީސް އަބްދުﷲ ޔާމީންގެ ވެރިކަމުގައި ފަށައި ހުއްޓުނު، ބަރެސްދޫ ސާފުކޮށް ބަލަހައްޓާނެ ބަޔަކު ހޯދަން ފަށައިފި އެވެ.
ބަރެސްދޫ ބަލަހައްޓާ މޯލްޑިވްސް އިންޓަގްރޭޓެޑް ޓޫރިޒަމް ޑިވްލޮޕްމަންޓް ކޯޕަރޭޝަން (އެމްއައިޓީޑީސީ) އިން ބުނި ގޮތުގައި އެ ކުންފުނީގެ ބެލުމުގެ ދަށުގައި އޮންނަ ބަރެސްދޫ އެއް އަހަރު ދުވަހަށްވުރެ ދިގު ނޫން މުއްދަތަކަށް ބަލަހައްޓައިދޭނެ ފަރާތެއް ހޯދަން ބޭނުންވެ އެވެ. ގާތްގަނޑަކަށް 10،000 ރުށް ހުރި މި ރަށް ކުއްޔަށް ދޭން ހުށަހެޅޭނެ އެންމެ ކުޑަ އަގަކީ މަހަކު 20،000ރ. އެވެ.
ރަށް ބަލަހައްޓާ ފަރާތުގެ މަސްހޫލިއްޔަތަކީ ކޮބާ ؟ ބަރެސްދޫ ބަލަހައްޓަން ހަވާލުވާ ފަރާތަކުން އެ ރަށުގައި ތިބޭ މީހުން މަޑު ކުރަން ހަދާފައިވާ ތިން ކޮޓަރި އާބާތުރަފިލުވައި ބަލަހައްޓަން ޖެހެ އެވެ. އަދި ބަރެސްދޫ ވަށައިގެންވާ ގުދުރަތީ ރީތި ސަރަހައްދަށް ގެއްލުމެއް ވެދާނެ އެއްވެސް ކަމެއް ނުކުރުމާއި ބަރެސްދޫގައި ހަދާފައިވާ ބަނދަރާއި ކޯޒްވޭއާއި އިމާރާތްތަށް ރައްކާތެރިކަމާއެކު ބަލަހައްޓަން ޖެހެ އެވެ. އަދި މި ރަށުގައި ހަތަރު މީހުން ގާއިމް ވެގެން ތިބެން ޖެހެ އެވެ. ބަރެސްދޫގެ ރުއްގަސް ސާފުކޮށް ބަލަހައްޓަން ޖެހޭއިރު އެ ކުންފުނީގެ ހުއްދައާއެކު ރަށަށް އަރައި ފޭބޭނެ އިންތިޒާމު ހަމަޖެއްސުން ވެސް ހިމެނެ އެވެ.
ކޮމެންޓް
Republic of Maldives