ރައީސް އުރީދޫ ގްރޫޕްގެ ވެރިންނާ ބައްދަލު ކުރައްވައިފި
އެ ގްރޫޕްގެ ޑެޕިއުޓީ ސީއީއޯވަނީ އުރީދޫ ގްރޫޕުގެ ސީއެސްއާރުގެ ދަށުން ރާއްޖޭގައި ކުރިޔަށްގެންދާ މަސައްކަތްތަކާއި ހަރަކާތްތަކަށް އަލިއަޅުވާލެއްވިއެވެ.
ރައީސް ޑރ. މުހައްމަދު މުއިއްޒު، އުރީދޫ ގްރޫޕްގެ ޑެޕިއުޓީ ގްރޫޕް ސީއީއޯ ޝައިހު މުހައްމަދު ބިން އަބްދުﷲ އަލް ތާނީ އަދި އުރީދޫ ގްރޫޕްގެ އިސްވެރިންނާ ބައްދަލު ކުރައްވައިފި އެވެ.
ބައްދަލު ކުރެއްވުން އޮތީ މިއަދު ހެނދުނު ރައީސް އޮފީހުގަ އެވެ.
މި ބައްދަލު ކުރެއްވުމުގައި ރައީސް ވަނީ ޓެލެކޮމިއުނިކޭޝަންގެ ދާއިރާއިން އުރީދޫން ރާއްޖޭގެ ރައްޔިތުންނަށް ފޯރު ކޮށްދޭ ހިދުމަތް ފާހަގަ ކުރައްވައި އުރީދޫގެ ރާއްޖޭގެ ގޮފީގެ ޓީމު ހިމެނޭހެން އުރީދޫ ގްރޫޕުގެ ލީޑާޝިޕަށް ޝުކުރު އަދާ ކުރައްވާފަ އެވެ.
ރައީސް މުއިއްޒާއި އުރީދޫ ގްރޫޕްގެ ޑެޕިއުޓީ ސީއީއޯ ވަނީ ރާއްޖެއާ އުރީދޫ ގްރޫޕުން އިސްކަންދޭ އަދި ގުޅިގެންގެން މަސައްކަތް ކުރެވިދާނެ ދާއިރާތަކާއި ގުޅޭ ގޮތުންނާއި ޓެކްނޮލޮޖީގެ ދާއިރާއިން އިތުރަށް ގުޅުން ބަދަހި ކުރުމާއި ގުޅޭގޮތުން މަޝްވަރާ ކުރައްވާފަ އެވެ.
އެ ގްރޫޕްގެ ޑެޕިއުޓީ ސީއީއޯވަނީ އުރީދޫ ގްރޫޕުގެ ސީއެސްއާރުގެ ދަށުން ރާއްޖޭގައި ކުރިޔަށްގެންދާ މަސައްކަތްތަކާއި ހަރަކާތްތަކަށް އަލިއަޅުވާލެއްވިއެވެ.
ކޮމެންޓް
Republic of Maldives