ވަޅި ޖެހި މީހާ ހައްޔަރު ކޮށްފި، ވަޅި ޖެހީ އާއިލީ ހަމަނުޖެހުމެއްގައި
އާއިލީ ހަމަނުޖެހުންތަކުގެ ތެރޭގައި ތޫނު އެއްޗެއްހިން ހަމަލާދީ ޒަހަމްކޮށްލުން ރާއްޖޭގައި މިހާރު ގިނަ އެވެ.
ހުޅުމާލޭ ހިޔާ އަވަށުގެ ހިޔާ އެޕާޓްމަންޓެއްގައި މީހެއްގެ ގަޔަށް ވަޅި ޖަހައި ހަމަލާ ދިން މައްސަލައިގެ މީހަކު ހައްޔަރު ކޮށްފި އެވެ.
ފުލުހުން ބުނީ އެ މައްސަލައާ ގުޅިގެން 19 އަހަރުގެ ދިވެހި ފިރިހެނަކު ރޭ ހައްޔަރު ކޮށްފައިވާ ކަމަށެވެ.
އަދި ބުނީ ވަޅިން ހަމަލާ ދިނުމުގެ ސަބަބުން ޒަހަމްވި 22 އަހަރުގެ މީހާއަށް ހުޅުމާލޭގެ ހޮސްޕިޓަލުގައި ފަރުވާ ދޭއިރު އޭނާ އަށް ހަމަލާ ދިނީ އޭނާގެ އާއިލާގެ ތެރޭގައި ޖެހުނު މައްސަލައެއްގައި ކަމަށް މިހާތަނަށް ބެލި ބެލުމުން އެނގިފައިވާ ކަމަށެވެ.
ވަޅިން ހަމަލާ ދީފައި ވަނީ ހިޔާގެ ހަވަނަ ޓަވަރުގެ އެޕާޓްމަންޓެއް ގައެވެ.
އާއިލީ ހަމަނުޖެހުންތަކުގެ ތެރޭގައި ތޫނު އެއްޗެއްހިން ހަމަލާދީ ޒަހަމްކޮށްލުން ރާއްޖޭގައި މިހާރު ގިނަ އެވެ. އެފަދަ ބައެއް ހާދިސާތަކުގައި މީހުން މަރުވެފައި ވެސް ވެއެވެ.
ކޮމެންޓް
އައްޑޫގަ އިހައްދުވަހު އެ މަރުވީ އެކަކު ހަމަ މީގެ ހާދިސާއެއްގަ. އެންމެ ފަހުން ކަން ނިމުންއިރު ވަޅިޖެހި މީހާ ހުރީ މަސްތުގަ. މިފަހަރުވެސް ވާނީއެހެން ހެން ހީވަނީ
Republic of Maldives