ޒައިދު ސަސްޓެއިނަބިލިޓީ އެވޯޑް ހަފުލާގައި ރައީސް ބައިވެރިވެވަޑައިގެންފި

ޒައިދު ސަސްޓެއިނަބިލިޓީ އެވޯޑް ހަފުލާގައި ރައީސް ޑރ. މުހައްމަދު މުއިއްޒު، މިއަދު ބައިވެރިވެ ވަޑައިގެންފިއެވެ. 

މިއަދު ރައީސް ބައިވެރިވެ ވަޑައިގެންނެވި އެވޯޑް ހަފުލާއަކީ 2008 ވަނަ އަހަރު ގާއިމުކުރި ޒައިދު ސަސްޓެއިނަބިލިޓީ އެވޯޑެވެ. އެ އެވޯޑަކީ ދުނިޔެއަށް ކުރިމަތިވަމުންދާ އެކިއެކި މައްސަލަތަކަށް ދެމެހެއްޓެނިވި ހައްލު ހޯދުމުގެ ގޮތުން އިޖާދީ އުފެއްދުންތައް އުފައްދާ ފަރާތްތައް ބައިނަލްއަގުވާމީ ފެންވަރުގައި ފާހަގަކޮށް، އެ ފަރާތްތަކުން ކުރާ މަސައްކަތްތަކަށް ހިތްވަރުދީ، އިތުރަށް ބާރުވެރިކުރުވުމުގެ ގޮތުން ދޭ އެވޯޑެކެވެ.

ޒައިދު ސަސްޓެއިނަބިލިޓީ އެވޯޑަކީ، ތިމާވެށީގެ މައްސަލަތަކަށް ދެމެހެއްޓެނިވި ހައްލު ހޯދުމުގެ ދާއިރާއިން ޔޫއޭއީ އިން ދޭ ޝަރަފުވެރި ބައިނަލްއަގުވާމީ އެވޯޑެކެވެ. މި އެވޯޑް ނިސްބަތް ކުރެވެނީ އެ ގައުމުގެ ބާނީ ޝައިގް ޒައިދު ބިން ސުލްތޯން އަލް ނަޙްޔާންގެ ހިދުމަތްތަކަށެވެ.

ޔުނައިޓެޑް އަރަބް އެމިރޭޓްސް (ޔޫއޭއީ) އަށް ވަޑައިގެންނެވީ ކޮޕް-28، ކޮންފަރެންސްގައި ބައިވެރިވެވަޑައިގަތުމަށެވެ.