އިންސްޓަގްރާމަށް ރީޕޯސްޓް ފީޗާ، ޓެސްޓްތައް ފަށައިފި
އިންސްޓަގްރާމުން ވާދަވެރިންނަށް ދޫކުރާކަށް ބެނުމެއް ނުވެ އެވެ. ޓިކްޓޮކް އަދި ޓްވީޓާ ފަދަ މީހުން ގިނަ މާހައުލުތަކުން ފީޗާތައް ކޮޕީިކޮށް އިންސްޓަގްރާމްގައި އަމިއްލަ ނަމުގައި ފީޗާތައް ދަނީ ހިމަނަމުން ނެވެ. އިންސްޓަގްރާމް އަކީ ޒުވާން އުމުރުފުރައިގެ މެދުގައި މަގުބޫލް އެޕްލިކޭޝަނެކެވެ.
އިންސްޓަގްރާމް އަށް މުޅިން އާ ފީޗާއެއް އެބަ އާދެއެވެ. އެއީ އިންސްޓަގްރާމްގެ "ރީޕޯސްޓް" އެވެ. އެހެން މީހުންގެ ޕޯސްޓްތަކާއި ރީލްސްތައް އަލުން ޕޯސްޓް ކުރެވޭ ގޮތް ހަދަައި ދެނީ އެވެ. ޓްވީޓާގައި، ރީޓްރީޓް ކުރެވެ ގޮތަށެވެ. ޓިކްޓޮކްގައި ވެސް މިކަން ކުރެވެ އެވެ.
އިންސްޓަގްރާމް އަށް މި ފީޗާ އަންނަން އުޅޭ ކަމަށް ސޯޝަލް މީޑިއާގައި ވާހަކަ ދައްކަން ފެށުމުން އިންސްޓަގްރާންގެ މެނޭޖްމަންޓުން ވެސް ވަނީ އެއީ ތެދެއް ކަމަށް ބުނެފަ އެވެ. އަދި ވަރަށް ރަނގަޅަށް ޓެސްޓް ކުރުމަށް ފަހު ބައްރުތަކަށް -- ގައުމުތަކަށް ބަހާލައިގެން މި ފީޗާ އާންމު ކުރާނެ ކަމަށް ވެސް ވަނީ ބުނެފަ އެވެ.
މިއީ ސޯޝަލް މީޑިއާ ޕްލެޓްފޯމްތަކުައި އާނޫން ފިޗާއެކެވެ. ބައެއް ފަހަރު "ޝެއާ" އަދި ބައެއް ފަހަރު "ފޮލޯ" އަދި ބައެއް ފަހަރު "ރީޓްވީޓް" ފަދަ ނަންނަމުގައި މިކަން ކުރެވެން ހުރެ އެވެ.
އިންސްޓަގްރާމް އަށް ތައާރުފު ކުރަނީ "ރީޕޯސްޓް" ކަމަށް ވީ ނަމަވެސް، އެއީ އެހެން މީހުންގެ ޕޯސްޓްތައް ވަކި ގުރޫޕެއް ނުވަތަ އާންމުކޮށް ޝެއާ ކުރުމެވެ.
ސޯޝަލް ނެޓްވޯކް ބޭނުންކުރާ މީހުން ގިނައިން ބޭނުންކުރާ ފީޗާތައް ބަލައިގެން އިންސްޓަގްރާމް މެނޭޖްމަންޓުން ގެންދަނީ އެ އެޕްލިކޭޝަންގެ ފެންވަރު މަތި ކުރަމުންނެވެ.
އެ ގޮތުން ޓިކްޓޮކާއި ޓްވީޓާ އަދި އިންސްޓަގްރާމްއާ އެއްކުޑައެއްގެ ދަށުގައި އޮތް ފޭސްބުކުން ވެސް ބައެއް ފީޗާތައް ވަނީ އިންސްޓަގްރާމް އަށް ވާރުތަ ކޮށްފަ އެވެ. އާންމުކޮށް މިހާރު ބޭނުންކުރަން ދޫކޮށްލާފައިވާ އިންސްޓަގްރާމް އެޕްލިކޭޝަނަކީ އިންސްޓަގްރާމް ވުޖޫދަށް އައިއިރު އޮތް ސިފާގައި އޮތް އެޕްލިކޭޝަނެއް ނޫނެވެ. ސޯޝަލް މީޑިއާ ބޭނުންކުރާ މީހުން އެދޭ ގޮތަށް މެނޭޖްމަންޓުން ދަނީ އެޕްލިކޭޝަން ބަދަލު ކުރަމުންނެވެ.
ކޮމެންޓް
Republic of Maldives