ނަދީމްގެ މަރު: މީހުން ބަންދު ނުކުރުމުން ސުޕްރީމް ކޯޓަށް
މި ހަތަރު މީހުންގެ މައްޗަށް ކުށް ސާބިތު ނުވާ ކަމަށް ނޮވެމްބަރު 14، 2022 ގައި ކްރިމިނަލް ކޯޓުން ކަނޑައެޅުމުން އެމީހުން ވަނީ މިނިވަންވެފަ އެވެ.
ހއ. ތަކަންދޫ، އިބްރާހިމީ ހިޔާ، ނަދީމް އަބްދުއްރަހީމް މަރާލި މައްސަލައިގެ ތުހުމަތު އޮތް މީހުންގެ އިސްތިއުނާފް ޝަރީއަތް ނިމެންދެން ބަންދު ނުކުރެވޭނެ ކަމަށް ހައިކޯޓުން ނިންމި ނިންމުން ސުޕްރީމް ކޯޓުގައި އިސްތިއުނާފް ކުރަން ނިންމައިފި އެވެ.
ނަދީމް މަރާލިކަމުގެ ތުހުމަތު އޮތީ ގ. ޝާރާޒް މުހައްމަދު މަފާޒުގެ މައްޗަށެވެ. މި މައްސަލައިގައި ދެން ހިމެނެނީ ގއ. ގެމަނަފުށި ހަވާސް މުހައްމަދު ކަރަމް ސުހައިލާއި، ރ. އިންނަމާދޫ ސަމަންތާ ހުސައިން ޝާމިނާއި، ލ. ގަން ވިދާތަރި އަލީ ނިފާޒެވެ. އެމީހުންގެ މައްޗަށް އޮތީ މަރާލުމުގައި ބައިވެރިވިކަމުގެ ކުށެވެ.
މި ހަތަރު މީހުންގެ މައްޗަށް ކުށް ސާބިތު ނުވާ ކަމަށް ނޮވެމްބަރު 14، 2022 ގައި ކްރިމިނަލް ކޯޓުން ކަނޑައެޅުމުން އެމީހުން ވަނީ މިނިވަންވެފަ އެވެ. ދައުލަތުން އެ މައްސަލަ ހައިކޯޓުގައި އިސްތިއުނާފްކޮށް، އޭގެ ފަހުން އެމީހުންގެ ކުށުގެ ރެކޯޑަށް ބަލައި ބަންދުކޮށްދިނުމަށް ވަނީ އެދިފަ އެވެ.
ނަމަވެސް އެފަދަ އަމުރެއް ނެރެދެވެން ނެތް ކަމަށް އިއްޔެ ހައިކޯޓުން ވަނީ ނިންމާފަ އެވެ. ހައިކޯޓުން އެގޮތަށް ނިންމިއިރު މި މައްސަލައިގެ ތުހުމަތު އޮތް މަފާޒު މިހާރު ވެސް ހުރީ އެހެން މައްސަލައެއްގައި ބަންދުކޮށްފަ އެވެ.
ހައިކޯޓުގެ އެ ނިންމުން އިސްތިއުނާފް ކުރަން ދައުލަތުން ވަނީ ނިންމާފަ އެވެ. އެމީހުންނަކީ މުޖުތަމައުއަށް ނުރައްކާތެރި ބައެއް ކަމަށް ދައުލަތުން ހައިކޯޓުގައި ވެސް ވަނީ ބުނެފަ އެވެ.
ކޮމެންޓް
ހަބަރުގައި އޮތީ ފިރިހެން ނަންތަކެއް. ފޮޓޯއިން ފެންނަނީ ހުސް އަންހެންކުދިން
Republic of Maldives