ހުޅުމާލެ މަގުމަތީ ހިންގާ ގަވާއިދާ ހިލާފު ވިޔަފާރިތައް ނަގަން އަންގައިފި
އާބަންކޯ އިން ބުނެފައި ވަނީ ދީފައިވާ މުއްދަތުގެ ތެރޭގައި ތަންތަނުގައި ހުރި ތަކެތި ނުނަގައިފިނަމަ، އާބަންކޯ އިން އެތަކެއް ނަގައި ސާފުކުރާނެ ކަމަށެވެ. ސާފުކުރުމުގެ ތެރޭގައި ތަކެއްޗަށް ލިބޭ އެއްވެސް ގެއްލުމަކަށް ޒިންމާ ނުނަގާނެ ކަމަށެވެ.
ރިޔާސީ ދައުރު ނިމެން އެއް ދުވަހަށް ވެފައި ވަނިކޮށް ހުޅުމާލެ މަގުމަތީގައި ހިންގާ ގަވާއިދާ ހިލާފު ވިޔަފާރިތަކާއި، ހިޔާ އަވަށުގެ ބީޗުގައި ހުރި ހަޓްތައް ނަގަން އާބަންކޯ އިން އަންގައިފި އެވެ.
އާބަންކޯ އިން މިއަދު ނެރުނު ބަޔާނެއްގައި ބުނެފައި ވަނީ ހުޅުމާލެ އެކި ސަރަހައްދުތަކުގެ ޕޭވްމަންޓް އަދު ހެޖުތެރޭގައި ޖޫގޯ ޕޮއިންޓްތަކާއި، ކެފޭ އަދި ރެސްޓޯރެންޓްތައް ގަވާއިދާ ހިލާފަށް ހިންގަމުންދާ ކަން ފާހަގަވެފައިވާ ކަމަށެވެ. މި ތަންތަން ހިންގަނީ މަގުމަތީގައި ގޮނޑި މޭޒު ބަހައްޓައިގެންނެވެ.
އާބަންކޯ އިން އަންގާފައި ވަނީ އެ ތަންތަން މިމަހުގެ 20 ވަނަ ދުވަހުގެ ކުރިން ނެގުމަށެވެ.
އިތުރު ބަޔާނެއްގައި، ހުޅުމާލެ ދެވަނަ ފިޔަވަހީގައި އޮންނަ ހިޔާ އަވަށުގެ 12 ވަނަ ޓަވަރާ ދިމާލުން އޮންނަ ބީޗް ސަރަހައްދުގެ ހުސް ބިމުގައި ޖަހާފައިވާ ހަޓްތަކާއި ތަކެތި ނަގަން ވެސް އަންގާފައިވެ އެވެ. ހަޓްތައް ނަގައި އެ ސަރަހައްދު ސާފުކުރަން، މިއަދުން ފެށިގެން މިމަހުގެ 25 ވަނަ ދުވަހުގެ ނިޔަލަށް މުއްދަތެއް ދީފައިވެ އެވެ.
އާބަންކޯ އިން ބުނެފައި ވަނީ ދީފައިވާ މުއްދަތުގެ ތެރޭގައި ތަންތަނުގައި ހުރި ތަކެތި ނުނަގައިފިނަމަ، އާބަންކޯ އިން އެތަކެއް ނަގައި ސާފުކުރާނެ ކަމަށެވެ. ސާފުކުރުމުގެ ތެރޭގައި ތަކެއްޗަށް ލިބޭ އެއްވެސް ގެއްލުމަކަށް ޒިންމާ ނުނަގާނެ ކަމަށެވެ.
ހުޅުމާލެ މަގުމަތީގެ ޕޭވްމަންޓްގައި ހަޓްތައް ހަދައިގެން ހެދިކާ ވިއްކުމަކީ އާންމު ކަމެކެވެ. އަދި ހިޔާ އަވަށުގައި ވެސް ކާބޯތަކެތި ވިއްކާ މިފަދަ ބައިވަރު ހަޓްތައް ބަހައްޓާފައި ހުރެ އެވެ.
ކޮމެންޓް
ތިކަމަކާ ހެދި މިހާރު ހަވީރު ބޭރަށް ނިކުމެލެވޭ ވަރެއްނޫން. މިހާރުވެސް މާލަސްވެއްޖެ. ނަގާ ނަގާ ސާފްކުރެ
މުޅި ހުޅުމާލެ މުޑުދާރު ކޮށްފި. ސޯޝަލް ރެސްޕޮންސިބިލިޓީ އޭ ކިޔާބައިވެސް ނެތީޫ. ރާލި ލިބެނިކޮށް ހެޔޮ. ދެން އެއްޗެހި ކާމީހުންވެސް ކަރުދާސް ތަށި ވެސް ޖެހުނު ތާކަށް އެއްލާލާފަ. ރީތިއްޔާ ރީތިދޯ ކޮންމެމީހަކަށްވެސް
Republic of Maldives