ޖަލު ވެރިޔާ އަހްމަދު މުހައްމަދުފުޅު އިސްތިއުފާ ދެއްވައިފި
މަގާމުން އިސްތިއުފާ ދެއްވާކަން ހާމަ ކުރައްވާ އޭނާ ވަނީ މުވައްޒިފުންނަށް މެސެޖެއް ފޮނުވާފައެވެ. އެ މެސެޖް ކަރެކްޝަނުން ވަނީ ނޫސްތަކާއި ހިއްސާ ކޮށްފައެވެ.
މަގާމުން އިސްތިއުފާ ދެއްވާކަން ހާމަ ކުރައްވާ އޭނާ ވަނީ މުވައްޒިފުންނަށް މެސެޖެއް ފޮނުވާފައެވެ. އެ މެސެޖް ކަރެކްޝަނުން ވަނީ ނޫސްތަކާއި ހިއްސާ ކޮށްފައެވެ.
އަހްމަދު ވިދާޅުވީ އޭނާގެ އިސްތިއުފާ ރައީސް ސޯލިހަށް ހުށައަޅާފައިވާ ކަމަށެވެ. މަގާމުން ވަކިވެވަޑައިގަންނަވާނީ އަންނަ ހޮނިހިރު ދުވަހު އެވެ. ކޮމިޝަނަރު އޮފް ޕްރިޒަންސްގެ މަގާމުގައި ހޭދަކުރި ތިން އަހަރާއި 10 ދުވަހުގެ މުއްދަތު ގައި މުވައްޒިފުންްގެ ފަރާތުން ލިބުނު އެހީތެރިކަން ވަނީ ފާހަގަކޮށްފައެވެ.
އަދި މާދަމާގެ ވަގުތެއް ގައި ޖަލުތަކާއި ކަރެކްޝަންގެ ކޮމާންޑްތަކަށް ޒިޔާރަތް ކުރައްވާނެ ކަމަށް ވެސް ވިދާޅުވި އެވެ.
މި ސަރުކާރު ވެރިކަމަށް އައި ޖަލުތައް ރަނގަޅު ކުރުމުގެ ވައުދާ އެކު އެވެ. ޖަލުގައި ގިނަ ދުވަސްތަކެއް ހޭދަ ކުރެއްވި ހޯމް މިނިސްޓަރު އިމްރާން އަބްދުﷲ ވަނީ ޖަލުތަކަށް ހެޔޮ ބަދަލުތަކެއް ގެންނަވާނެ ކަމަށް ތަކުރާރުކޮށް ވިދާޅުވެފައެވެ. ނަމަވެސް ފަސް އަހަރު ނިމިގެން ދިޔައީ ޖަލުތަކާމެދު އޮތް ޝަކުވާތަކާއި ކަންބޮޑުވުންތަކަށް އެކަށީގެންވާ އެއްވެސް ހައްލެއް ނުލިބި އެވެ.
ކޮމެންޓް
Republic of Maldives