ކުޑަކުއްޖަކަށް ޖިންސީ ގޯނާކުރި ތުހުމަތު އޮތް މީހަކު ފުލުހަށް ހާޒިރުވާން އިއުލާނެއް
އިއުލާން ޖެހީ ޖިނާއީ މައްސަލަތައް ތަހުގީގު ކުރުމުގައި ފުލުހުން އަމަލު ކުރާ އިޖުރާއަތުގެ ގަވާއިދުގެ 27 ވަނަ މާއްދާގައިވާ ގޮތުގެމަތިންނެވެ.
ކުޑަކުއްޖަކަށް ޖިންސީ ގޯނާ ކުރަން އުޅުނު ކަމަށް ތުހުމަތުވި މީހެއްގެ މައްސަލައެއްގެ ތަހުގީގަށް ހާޒިރުކުރަން އެ މީހާ ފުލުހަށް ހާޒިރުވާން އެދި އިއުލާން ޖަހައިފި އެވެ.
ނ. ލަންދޫ ޕޮލިސް ސްޓޭޝަނުން ބަލަމުންދާ މި މައްސަލައިގެ ތަހުގީހަށް ހޯދަނީ ނ. ކެނދިކުޅުދޫ / ކެނދިކޮޅު. ޝާދީވިލާ، ނޫހު މުހައްމަދު ނައީމް 35، އެވެ.
ފުލުހުންގެ ހިދުމަތުން ބުނި ގޮތުގައި ކުޑަކުއްޖަކަށް ޖިންސީ ގޯނާ ކުރަން އުޅުނު ކަމަށް ތުހުމަތު ކުރެވޭ މައްސަލާގައި ސުވާލު ކުރަން ނޫހު ހާޒިރު ކުރަން އުޅުނު ނަމަވެސް އޭނާ އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވާން އަންގާ ޗިޓު ރައްދު ކުރެވިފައެއް ނުވެއެވެ.
އެހެން ވެގެން ޖިނާއީ މައްސަލަތައް ތަހުގީގު ކުރުމުގައި ފުލުހުން އަމަލު ކުރާ އިޖުރާއަތުގެ ގަވާއިދުގެ 27 ވަނަ މާއްދާގައިވާ ގޮތުގެމަތިން ތަހުގީގަށް ނޫހު ފުލުހަށް ހާޒިރު ވުމަށް އަންގައި އިއުލާނު ޖެހީ ކަމަށް ވެސް ފުލުހުން ބުންޏެވެ.
އޭނާ ހާޒިރުވާން އަންގާފައި ވަނީ މި މަހުގެ 15 ވަނަ ދުވަހު ނ. ލަންދޫ ޕޮލިސް ސްޓޭޝަނަށެވެ.
ކޮމެންޓް
Republic of Maldives