ހުޅުމާލޭ ކަަރަންޓު ލޯޑު މައްޗަށް، ކަރަންޓު އުފެއްދުން މާލެއަށްވުރެ އިތުރު

ޖަޒީރާ ކުރަން ހިތްވަރުދީ އެ ވާހަކަ ދެއްކިޔަސް އެންމެން ޖަމާވަނީ މާލެ ސަރަހައްދަށެވެ؛ މިކަން މާލެ ސަރަހައްދުގެ ކަރަންޓު ލޯޑަށް ބަލައިލުމުން ވެސް އެނގޭނެވެ. ގިނަ ބަޔަކު ޖަމާވެގެން ތިބި މާލެއަށްވުރެ ގިނައިން ހުޅުމާލޭގައި މިހާރު ކަރަންޓް އުފައްދަން ޖެހޭކަމަށް ތަފާސް ހިސާބުތަކުން ދައްކަ އެވެ. 

ތަފާސް ހިސާބުތަށް ދައްކާ ގޮތުގައި މިދިޔަ އަހަރު މާލޭގައި ބޭނުން ކުރަން އުފައްދާފައި ވަނީ 239،929 ކިލޯވޮޓްއަވާގެ ކަރަންޓެވެ. ނަމަވެސް ހުޅުމާލޭގައި އިލެކްޓްރިކް ޕްރޮޑަކްޝަން ވަނީ 320.039 ކިލޯވޮޓްއަވާއަށް އިތުރު ވެގެން ގޮސްފަ އެވެ. 

ހިސާބުތަކުން އެނގެން އޮތް ގޮތުގައި ކަރަންޓުގެ ލޯޑު ބޮޑުތަން އުފުލިގެން ގޮސްފައި ވަނީ ސިނަމާލެ ބްރިޖާއެކު ގިނަ ބަޔަކު ހުޅުމާލެއަށް ބަދަލުވުމުންނެވެ. މިގޮތުން އެއްފަހަރާ އެންމެ ގިނަ ބަޔަކު ބަދަލުވެފައި ވަނީ ހިޔާފްލެޓް ތަކަށެވެ. އެ ހިސާބުތަކުން އެނގެން ގޮތް ގޮތުގައި 80،747 ކިލޯވޮޓްއަވާއަށް ކަރަންޓު ހުޅުމާލޭގައި ބޭނުންކުރި ނަމަވެސް އެ އަދަދު ވަނީ މިދިޔަ އަހަރު 320.039 ކިލޯވޮޓްއަވާއަށް އިތުރުވެފަ އެވެ. 

ކަރަންޓު އުފައްދަން ޖެހޭ މިންވަރު ހުޅުމާލޭގައި މަތިވި ނަމަވެސް ކަރަންޓު ބޭނުންކުރާ އަދަދު ވެރިރަށް މާލޭގައި ނިސްބަތުން މައްޗެވެ. މާލޭގައި 2021 ވަނަ އަހަރު 255،496 ކިލޯވޮޓްއަވާގެ ކަރަންޓު ބޭނުން ކުރި ނަމަވެސް 384،809 ކިލޯވޮޓްއަވާގެ ކަރަންޓު ބޭނުން ކޮށްފައިވެ އެވެ. 

މާލޭގައި އުފައްދާ ކަރަންޓުގެ 53 ޕަސެންޓް ބޭނުން ކުރަނީ ގޭބިސީތަކުގަ އެވެ. އަދި އަމިއްލަ ވިޔަފާރިތަކުން ބޭނުން ކުރަނީ 32 ޕަސެންޓެވެ. ސަރުކާރުގެ އިމާރާތްތަކުން ބޭނުން ކުރަނީ 10 ޕަސެންޓެވެ.