"ލާލް ސިންގު ޗައްދާ"ގެ ފީ އާމިރު ހާން ދެނީ

އާމިރު ހާންގެ "ލާލް ސިންގް ޗައްދާ" އަކީ ބޮލީވުޑުގެ ތާރީހުގައި ވެސް އެންމެ ގިނަ ބަޔަކު އިންތިޒާރު ކުރި، އަދި ވަރަށް ބޮޑު ބަޖެޓެއް ހިމެނޭ މެގަ ފިލްމް ޕްރޮޖެކްޓެކެވެ. އަސްލާ އެއްގޮތް ކުރަން މި ފިލްމަށް 1.8 ބިލިއަން އިންޑިއާ ރުޕީޒް ހަރަދު ކުރި އެވެ.

މިއީ 1994 ވަނަ އަހަރު ނެރުނު ހޮލީވުޑުގެ ފިލްމް "ފޮރަސްޓް ގަމްޕް" ގެ ކޮޕީއެކެވެ. ޓޮމް ހޭންކްސް ހިމެނޭ ގޮތަށް ހެދި ރޮމެންޓިކް ޑްރާމާއަކީ ވަރަށް ކާމިޔާބު ފިލްމެކެވެ. އެ ކާމިޔާބީ މި ފިލްމަށް ލިބޭނެ ކަމަށް ކުރިން ބެލެވުނެވެ.

އެކަމަކު އާމިރު ހާންގެ "ލާލް ސިންގް ޗައްދާ" ސިނަމާގައި އެޅުވި ފުރަތަމަ ދުވަހު ވެސް ނުހިނގި އެވެ. އިންޑިއާ މީހުނަކަށް އެ ފިލްމުގެ ރަހަގަނޑު ކަމަކު ނުދިޔަ އެވެ.

"ލާލް ސިންގް ޗައްދާ" އަކީ އާމިރު ހާންގެ ފިލްމަކަށް ވެފައި ހީކުރެވިފައި ނެތް ގޮތަކަށް ފިލްމު ފްލޮޕް ވުމުން އާމިރު ހާން ވެސް ވަނީ އެކަމާ ހައިރާން ވެފަ އެވެ. މީހުން މި ފިލްމަށް އަޅައި ނުލުމުން ގެއްލުންތައް ވެފައިވައިރު މަދުވެގެން 100 ކްރޯޑު ރުޕީސްގެ ގެއްލުމަކާ ކުރިމަތިވާނެ އެވެ.

އެހެން ވެގެން ފިލްމް ޕްރޮޑިއުސް ކުރި، ވައަކަމް 18 ސްޓޫޑިއޯޒަށް 100 ކްރޯޑް ދޭން އާމިރު ހާން ވަނީ ނިންމާފަ އެވެ. އެ އަދަދަކީ މި ފިލްމު ކުޅެން އާމިރު ހާން ނަގާފައިވާ ފީގެ މިންވަރެވެ. އޭނާ ބޭނުން ވަނީ ފިލްމް ފްލޮޕްވުމުން އެ ފީ އަނބުރާ ޕްރޮޑިއުސަރުންނަށް ދޭށެވެ.

އާމިރު 100 ކްރޯޑުގެ ގެއްލުމާ ހަވާލުވި އިރު މި ފިލްމުގެ ނާކާމިޔާބީއާއެކު ފިލްމީ ދާއިރާއާ ދުވަސްކޮޅަކަށް ވަކިވެލައި ބްރޭކެއްވެސް ނަގާނެ އެވެ، އާމިރު ހާނު ބްރޭކްގައި ދާނީ އެމެރިކާއަށެވެ.