ސަމާގެ ލައިވުން ފަލަސްތީނަށް ބައި ލައްކަ ރުފިޔާ

ޓިކްޓޮކްގައި ބޮޑު މަޝްހޫރު ކަމެއް އޮންން ސަމާގެ ލައިވަކުން ފަލަސްތީނުގެ ރައްޔިތުންނަށް އެހީވެ ދޭން ބައި ލައްކަ ރުފިޔާ ހޯދައި ދީފި އެވެ. 

ފަލަސްތީނަށް އެހީތެރިވެ ދިނުމުގެ ބޭނުމަށް ސަމާ ލައިވެއް ހެދީ ރޭ 8:30 އިން 9:30 އަށެވެ.  

ޓިކްޓޮކްގައި 38،000 އަށްވުރެ ފޮލޯވަރުން ގިނަ ސަމާގެ އެ ލައިވްގައި 51،225ރ. އާއި 550 އެމެރިކާ ޑޮލަރު ހޯދައި ދިނެވެ. އަދި އެ ފައިސާ ފަލަސްތީނަށް އެހީވެދޭ، އިސްލާމިކް އެއިޑް ކެމްޕޭންގެ އިމާޖެންސީ ރިލީފް ފަންޑަށް ވަނީ ލައިދީފަ އެވެ.

މީގެ ކުރިން ވެސް އެކި ބަލިތަކުގައި ތިބި ކުޑަކުދިންނަށްއެހީ ހޯދައި ދޭން ސަމާ ވަނީ ޓިކްޓޮކް ލައިވް ޖައްސައި އެހީތައް ހޯދައިދީފަ އެވެ.